महिलांना आजपासून मिळणार 1500 रुपये
मुख्यमंत्री माझी लाडकी बहीण योजनेच्या (Ladki Bahin Scheme) लाभार्थी महिलांना अखेर फेब्रुवारी महिन्याचा हप्ता मिळणार आहे. आजपासून (27 फेब्रुवारी) या योजनेच्या महिला लाभार्थ्यांच्या खात्यात 1500 रुपये जमा होतील. अर्थ विभागाने महिला व बालविकास विभागाला 3490 कोटी रुपयांचा निधी वितरित केला आहे. तांत्रिक कारणांमुळे दोन दिवस उशीर झाला होता, मात्र आता हप्ता जमा होण्यास सुरुवात झाली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
अर्थ विभागाकडून निधी वितरित
फेब्रुवारी महिन्यासाठी मुख्यमंत्री माझी लाडकी बहीण योजनेच्या (Ladki Bahin Scheme) लाभार्थींसाठी 3490 कोटी रुपये अर्थ विभागाने महिला व बालविकास विभागाला दिले आहेत. यामुळे लाखो महिलांना दिलासा मिळणार आहे. फेब्रुवारी महिना संपण्यास अवघे दोन दिवस बाकी असताना हा हप्ता वर्ग करण्यास सुरुवात झाली आहे.
महिला लाभार्थींच्या संख्येत घट
मुख्यमंत्री माझी लाडकी बहीण योजनेसाठी (Ladki Bahin Scheme) लागू असलेल्या निकषांची काटेकोर अंमलबजावणी केल्यामुळे महिला लाभार्थ्यांची संख्या कमी झाली आहे.
- डिसेंबर 2023: 2 कोटी 46 लाख महिलांना लाभ मिळाला.
- जानेवारी 2024: 2 कोटी 41 लाख महिलांना लाभ मिळाला (5 लाखांची घट).
- फेब्रुवारी 2024: नवीन पडताळणीनंतर आणखी 4 लाख महिलांची संख्या कमी झाली, त्यामुळे आता 2 कोटी 37 लाख महिलांना हप्ता मिळणार आहे.
लाडक्या बहिणींची संख्या का घटतेय?
लोकसभा निवडणुकीतील पराभवानंतर महायुती सरकारने मध्य प्रदेशच्या ‘लाडली बहना’ योजनेच्या धर्तीवर ‘माझी लाडकी बहीण’ योजना (Ladki Bahin Scheme) सुरु केली. निवडणुकीपूर्वी मोठ्या प्रमाणावर अर्ज स्वीकारून महिलांना त्वरित लाभ देण्यात आला. मात्र, सरकार स्थिरावल्यानंतर लाभार्थ्यांची पडताळणी प्रक्रिया सुरू झाली. यामुळे निकष पूर्ण न करणाऱ्या महिलांची संख्या हळूहळू कमी होत आहे.
महिला लाभार्थ्यांसाठी महत्त्वाची माहिती
- हप्ता थेट बँक खात्यात जमा होईल.
- लाभ मिळाला आहे की नाही, हे लाभार्थींनी संबंधित बँकेत तपासावे.
- पात्रता निकषांची पूर्तता न करणाऱ्या महिलांना पुढील हप्त्यांसाठी अपात्र ठरवले जाण्याची शक्यता आहे.
