वन विभागाने बिबट्याला सुरक्षितरित्या पकडले
नाशिकच्या नवजीवन सोसायटी लगत असलेल्या गोडसे मळ्यात बसवलेल्या पिंजऱ्यात एक बिबट्या(Leopard) अडकला. ही घटना बुधवारी (दि. १२) सायंकाळी घडली. वन विभागाच्या तत्परतेमुळे बिबट्याला सुरक्षितरित्या हलविण्यात आले असून, या घटनेमुळे परिसरातील नागरिकांना दिलासा मिळाला आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
बिबट्याच्या (Leopard) वावरामुळे नागरिकांमध्ये भीतीचे वातावरण
मागील काही महिन्यांपासून नवजीवन सोसायटी परिसरात बिबट्याचा (Leopard) वावर असल्याचे नागरिकांनी पाहिले होते. त्यामुळे स्थानिकांमध्ये भीतीचे वातावरण निर्माण झाले होते. आठवडाभरापूर्वी वन विभागाने अशोक तुकाराम गोडसे यांच्या मळ्यात पिंजरा बसवला होता. अखेर बुधवारी संध्याकाळी सहा वाजता बिबट्या त्यात अडकला.
बिबट्याच्या (Leopard) डरकाळ्यांनी वाढली खळबळ
बिबट्या पिंजऱ्यात अडकल्यानंतर मोठमोठ्या डरकाळ्या फोडू लागला, ज्यामुळे परिसरात अधिकच खळबळ उडाली. नागरिकांनी तातडीने वन विभागाला कळवले, त्यानंतर वन विभागाच्या अधिकाऱ्यांनी घटनास्थळी धाव घेतली आणि बिबट्याला सुरक्षित ठिकाणी हलवले.
फक्त दोन वर्षांचा बिबट्या
वन विभागाच्या अधिकाऱ्यांनी दिलेल्या माहितीनुसार, पिंजऱ्यात अडकलेला बिबट्या अंदाजे दोन वर्षांचा आहे. त्याला आवश्यक वैद्यकीय तपासणीनंतर जंगलात सोडले जाईल. या यशस्वी मोहिमेबद्दल वन विभागाचे नागरिकांकडून कौतुक केले जात आहे.
बिबट्या पकडल्याने नागरिकांना दिलासा
या घटनेमुळे नवजीवन सोसायटीच्या रहिवाशांना मोठा दिलासा मिळाला आहे. बिबट्याच्या मुक्त संचारामुळे नागरिक दहशतीखाली होते. मात्र, वन विभागाच्या वेगवान आणि प्रभावी कारवाईमुळे कोणतीही दुर्घटना टळली.
