“मुख्यमंत्री लाडकी बहीण योजना”ऑक्टोंबर नोव्हेंबर चे दिवाळीच्या अगोदरच मिळणार पैसे :अजित पवार यांची घोषणा ( Mukhymantri Ladki bahin Yojana)

अहिल्यानगर: ‘मुख्यमंत्री माझी लाडकी बहीण’ (mukhymantri Mazhi Ladki bahin Yojana)योजनेची सध्या सर्वत्र मोठ्या प्रमाणात चर्चा सुरू आहे. या योजनेच्या अंतर्गत पात्र महिलांना प्रत्येक महिन्याला 1500 रुपयांची आर्थिक मदत मिळते. राज्याचे उपमुख्यमंत्री अजित पवार यांनी जनसन्मान यात्रेच्या माध्यमातून महाराष्ट्र राज्यातील दौरा सुरू केला आहे, आणि सध्या ते अहिल्यानगरमध्ये आहेत.

त्यांनी अकोले येथे ‘लाडकी बहीण योजने’च्या लाभार्थी महिलांशी संवाद साधला. यावेळी अजित पवार यांनी महिलांना लवकरच ओवाळणी रूपाने आर्थिक मदत मिळणार असल्याचे आश्वासन दिले.

लाडकी बहीण योजनेचे फायदे:सणासुदीचा काळ लक्षात घेऊन, राज्य सरकारने ऑक्टोबर आणि नोव्हेंबर महिन्यांचे पैसे एकत्रितपणे ऑक्टोबर महिन्यातच वितरित करण्याचा निर्णय घेतला आहे. उपमुख्यमंत्री अजित पवार यांच्या मते, येत्या आठ दिवसात हे पैसे लाडक्या बहिणींच्या बँक खात्यात जमा होतील. योजनेचे जुलै, ऑगस्ट, आणि सप्टेंबर महिन्याचे पैसे आधीच वितरित झाले आहेत. यामुळे महिलांना आर्थिक आधार मिळून त्यांच्या कुटुंबासाठी सणासुदीचा आनंद द्विगुणित होईल.

अकोले विधानसभा मतदारसंघात राजकीय घडामोडी:

अहिल्यानगरमध्ये झालेल्या सभेत अजित पवार यांनी राष्ट्रवादी काँग्रेसचे विद्यमान आमदार किरण लहामटे यांची उमेदवारी पुन्हा जाहीर केली. लहामटे हे आगामी विधानसभा निवडणुकीत घड्याळाच्या चिन्हावर निवडणूक लढवतील, असे स्पष्ट केले. यामुळे राष्ट्रवादी काँग्रेसला अकोले मतदारसंघामध्ये पुन्हा संधी मिळणार आहे.

भाजपाचे वैभव पिचड यांची पुढील रणनीती:

या घडामोडींनंतर भाजपाचे माजी आमदार वैभव पिचड काय भूमिका घेतील, याकडे सर्वांचे लक्ष आहे. त्यांची भूमिका मतदारसंघातील समीकरणं बदलण्यास महत्त्वपूर्ण ठरेल. शरद पवार गटाकडून इच्छुक असलेले अमित भांगरेंना देखील यामुळे डावललं जाईल का, हा प्रश्न आता निर्माण झाला आहे.

राजकीय समीकरणं आणि भविष्याचा वेध:

राजकीय पक्षांमध्ये चाललेल्या या घडामोडींमुळे अकोले विधानसभा मतदारसंघात आगामी निवडणूक अत्यंत चुरशीची होण्याची शक्यता आहे. वैभव पिचड यांची पुढील भूमिका ठरवेल की, भाजपाकडून कोण पुढे येणार आणि कोणाचे हातात तुतारी येणार.