Nashik : महाराष्ट्र राज्य परिवहन महामंडळाच्या नाशिक विभागाच्या ताफ्यात आणखी ६ ई-शिवाई बसेस दाखल झाल्या आहेत. या बसेस लांब पल्ल्याच्या मार्गांसाठी उपयुक्त असून, प्रवाशांना वातानुकूलित आणि आरामदायी प्रवासाची सुविधा उपलब्ध करून देणार आहेत.
E shivai bus नवीन मार्ग आणि सेवा
Nashik – बोरिवली मार्ग: २ बसेस
Nashik – संभाजीनगर मार्ग: २ बसेस
Nashik – सटाणा मार्ग: २ बसेस
बोरिवली मार्गासाठी बस महामार्ग स्थानकातून सुटतील, तर संभाजीनगर आणि सटाणा मार्गावरील बसेस मेळा बसस्थानकातून सुटतील.
सुविधा: वातानुकूलित व्यवस्था, पुशबॅक सीट, चार्जिंग पोर्ट, पॅनिक बटण, रीडिंग लाइट, पूट लाइट, ड्रायव्हिंग असिस्टन्स, आणि पीआयएस डिस्प्ले बोर्ड. पर्यावरणपूरक वाहतूक: बॅटरीवर चालणाऱ्या या बसेस प्रदूषण कमी करण्यात मोलाची भूमिका बजावतील.
सर्व बसेस एका खासगी कंपनीद्वारे भाडेतत्त्वावर असून, बसची देखभाल व चालक व्यवस्थापन यांची जबाबदारीही कंपनीची आहे. चालकांची संपूर्ण चाचणी करूनच त्यांना सेवेत रुजू करण्यात आले आहे.
महामंडळाने दिवाळीच्या मुहूर्तावर १०० ई-शिवाई बसेस ताफ्यात समाविष्ट करण्याचा निर्णय घेतला आहे. टप्प्याटप्प्याने या बसेस दाखल होत आहेत. सध्या नाशिक विभागात शिवाई बसची संख्या १३ झाली आहे.
ई-शिवाई बसेसच्या सेवेमुळे नाशिककरांना अधिक आरामदायी व पर्यावरणपूरक प्रवासाचा अनुभव मिळणार आहे.
He Pan Wacha : New e shivai bus
