Maharashtra CM
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
नाशिक: महाराष्ट्राचे मुख्यमंत्री एकनाथ शिंदे पुन्हा मुख्यमंत्री पदावर विराजमान व्हावेत, यासाठी नाशिकमधील चांदीचा गणपती मंदिरात विशेष पूजा आयोजित करण्यात आली. शिवसेना शिंदे गटाच्या महिलांच्या वतीने रविवार करंजा येथील चांदीचा गणपती मंदिरात गणपतीला साकडे घालून प्रार्थना करण्यात आली. या कार्यक्रमात महिलांची मोठी उपस्थिती होती, ज्यामध्ये लाडक्या बहिणींचा उत्साह दिसून आला.
या कार्यक्रमाचे आयोजन शिवसेना शिंदे गटाच्या महिला आघाडीने केले होते. या वेळी महिलांनी मुख्यमंत्रीपदासाठी एकनाथ शिंदेंची नियुक्ती व्हावी, अशी मागणी केली.
महिला आघाडीच्या जिल्हा अध्यक्ष सुवर्णा म्हटले म्हणाल्या:
“आमच्यासाठी एकनाथ शिंदे हेच योग्य मुख्यमंत्री आहेत. महाराष्ट्राच्या विकासासाठी त्यांनी घेतलेले निर्णय खूप महत्त्वाचे ठरले आहेत, आणि आम्ही त्यांच्यासाठी गणरायाला प्रार्थना करत आहोत.”
दरम्यान, आगामी राजकीय परिस्थिती पाहता तिन्ही पक्षांचे कार्यकर्ते आपापल्या पक्षाच्या नेत्याला मुख्यमंत्री करण्यासाठी प्रयत्नशील असल्याचे दिसत आहे.
