नाशिक NMC: महापालिकेच्या शाळांमध्ये आधुनिक तंत्रज्ञानाच्या मदतीने विद्यार्थ्यांना शिक्षण देण्याचा नवा अध्याय सुरू झाला आहे. शाळांमध्ये लॅब, स्मार्ट क्लासरूम आणि डिजिटल साधनसामग्री उपलब्ध करून देण्यात आली आहे. त्यामुळे मुलांना अद्ययावत पद्धतीने शिकण्याची संधी मिळणार आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
NMC स्मार्ट शाळांचा विस्तार
महानगरपालिकेच्या NMC शिक्षण विभागाने २०२४-२५ या वर्षासाठी अंदाजपत्रकात मोठ्या प्रमाणावर निधी वाढवला आहे. प्राथमिक व माध्यमिक स्तरावरील ८८ शाळांमध्ये डिजिटल शिक्षण प्रणाली, ब्रॉडबँड इंटरनेट, क्लाउड-आधारित प्रशासन सॉफ्टवेअर आणि अत्याधुनिक लॅब उभारण्यात आल्या आहेत.
NMC सुविधा आणि पायाभूत विकास
- ६५६ स्मार्ट क्लासरूम आणि ३९ संगणक कक्ष उभारले.
- इंटरअॅक्टीव्ह फ्लॅट पॅनल, डिजिटल अभ्यासक्रम आणि ग्रीन बोर्ड बसवले.
- २०० एमबीपीएस ब्रॉडबँड इंटरनेट कनेक्टिव्हिटी उपलब्ध.
- विविध सीएसआर फंडातून स्मार्ट शाळांसाठी अतिरिक्त सुविधा पुरविल्या जात आहेत.
NMC नवीन प्रकल्प आणि निधी वाटप
शिक्षणाच्या डिजिटलकरणासाठी मनपाने मोठ्या प्रमाणावर निधी दिला आहे.
- २०२३-२४: ₹६.६४ कोटी
- २०२४-२५: ₹७.१२ कोटी
- २०२५-२६: ₹२३.४५ कोटी
नाशिकमध्ये शाळांची आधुनिकता आणि गुणवत्तापूर्ण शिक्षण यामुळे विद्यार्थी आता डिजिटल युगाशी सुसंगत शिक्षण घेत आहेत. महापालिकेच्या या पुढाकारामुळे नाशिक शिक्षणाच्या क्षेत्रात आघाडीवर राहणार आहे.
