हत्या प्रकरणातील आरोपीला पोलिस कोठडी
Pethphata : पेठफाटा परिसरातील एरंडवाडी येथे झालेल्या खून प्रकरणात पोलिसांनी अटक केलेल्या संशयित आरोपी संतोष रमेश अहिरे याला न्यायालयात हजर केले असता चार दिवसांची पोलिस कोठडी (१३ ते १६ फेब्रुवारी) सुनावण्यात आली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
५० रुपयांच्या पगाराच्या वादातून हत्या
बुधवारी (दि. १२) शांतीलाल ब्राह्मणे या २९ वर्षीय युवकाची हत्या झाल्याची घटना समोर आली होती. प्राथमिक तपासानुसार, अहिरे आणि ब्राह्मणे हे दोघेही एका चहाच्या दुकानात काम करत होते. मंगळवारी रात्री मद्यप्राशन करत असताना दोघांमध्ये वाद झाला.
- दारूचा ग्लास उलटल्याने वाद सुरू झाला.
- “तुला माझ्यापेक्षा ५० रुपये जास्त पगार कसा?” या प्रश्नावरून संतोष अहिरेने ब्राह्मणेला शिवीगाळ केली.
- वाद विकोपाला गेल्यानंतर ब्राह्मणेला ओट्यावरून खाली लोटले.
- पडल्यामुळे डोक्याला गंभीर दुखापत झाली आणि त्याचा मृत्यू झाला.
सीसीटीव्ही फुटेजमुळे आरोपी अटकेत
या घटनेनंतर पोलिसांनी परिसरातील सीसीटीव्ही फुटेज तपासले आणि संतोष अहिरे याला अटक केली. गुरुवारी (दि. १३) न्यायालयात हजर केल्यानंतर १६ फेब्रुवारीपर्यंत पोलिस कोठडी देण्यात आली आहे.
या घटनेने पेठफाटा परिसरात खळबळ उडाली असून, स्थानिक नागरिकांमध्ये भीतीचे वातावरण आहे.
