Latest News: अल्लू अर्जुन आणि रश्मिका मंदाना यांच्या बहुचर्चित ‘पुष्पा २’ चित्रपटाचा प्रेक्षक आतुरतेने वाट पाहत आहेत. या चित्रपटाचा पहिला भाग ‘पुष्पा : द राइज’ २०२१ मध्ये प्रेक्षकांच्या भेटीला आला होता आणि त्याने बॉक्स ऑफिसवर रेकॉर्डब्रेक कमाई केली होती. दुसऱ्या भागातील ‘किसिक’ या गाण्याने चित्रपटाच्या प्रमोशनला नवी उंची मिळवून दिली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
‘किसिक’ गाण्याची धमाकेदार झलक:
‘पुष्पा २’च्या ‘किसिक’ गाण्याचं चेन्नईत एका भव्य कार्यक्रमात लाँच करण्यात आलं. या गाण्यात दाक्षिणात्य अभिनेत्री श्रीलीला आणि अल्लू अर्जुन यांची केमिस्ट्री चाहत्यांच्या पसंतीस उतरली आहे. श्रीलीलाच्या हटके स्टाइल आणि दमदार डान्सने सर्वांचीच मनं जिंकली आहेत. अवघ्या काही तासांतच या गाण्याला लाखोंच्या घरात व्ह्यूज मिळाले आहेत.
श्रीलीलासाठी तगडं मानधन:
मिडिया रिपोर्ट्सनुसार, ‘पुष्पा २’च्या ‘किसिक’ गाण्यातील परफॉर्मन्ससाठी श्रीलीलाने तब्बल २ कोटींचं मानधन घेतलं आहे. श्रीलीला ही टॉलीवूडमध्ये नवोदित परंतु दमदार डान्सर म्हणून ओळखली जाते. याआधीही तिने ‘गुंटूर करम’ चित्रपटातील ‘कुरिची मदाथापेटी’ गाण्यात महेश बाबूसोबत प्रभावी नृत्य सादर केलं होतं.
चित्रपटाविषयी प्रचंड अपेक्षा:
‘पुष्पा २’चे ट्रेलर नुकतेच प्रदर्शित झाले असून अल्लू अर्जुनच्या दमदार अभिनयाने प्रेक्षकांचं मन पुन्हा जिंकलं आहे. चित्रपटाच्या कथानकाबाबत अद्याप फारशी माहिती समोर आलेली नसली, तरी अल्लू अर्जुन आणि रश्मिका मंदाना यांची केमिस्ट्री प्रेक्षकांना पुन्हा एकदा खिळवून ठेवेल, अशी अपेक्षा आहे.
पुष्पा २’ ५ डिसेंबरला थिएटरमध्ये:
चित्रपटाच्या रिलीजसाठी केवळ काही दिवस शिल्लक असताना प्रेक्षकांमध्ये उत्सुकता शिगेला पोहोचली आहे. ‘पुष्पा २’ पुन्हा एकदा रेकॉर्डब्रेक यशाची नोंद करेल, अशी आशा सर्वांनाच आहे.
