आरबीआयचा 2025 (RBI)मधील मोठा निर्णय! 1 जानेवारीपासून इनअ‍ॅक्टिव्ह, झिरो बॅलन्स, आणि डॉरमॅट बँक खाती बंद केली जाणार. फसवणूक टाळण्यासाठी जाणून घ्या नवीन नियम व पाऊल उचला.
नवी दिल्ली: नववर्षाच्या सुरुवातीलाच भारतीय रिझर्व्ह बँकेने (RBI) मोठा निर्णय घेतला असून, 1 जानेवारी 2025 पासून तीन प्रकारची बँक खाती बंद करण्याचे नियमन केले आहे. फसवणूक रोखण्यासाठी, बँकिंग क्षेत्रात पारदर्शकता आणण्यासाठी आणि सायबर गुन्हेगारीला आळा घालण्यासाठी हा महत्त्वाचा निर्णय घेण्यात आला आहे.
कुठल्या प्रकारची खाती बंद होणार?
आरबीआयच्या (RBI)नव्या नियमांनुसार खालील तीन प्रकारची बँक खाती बंद केली जातील:
- इनअ‍ॅक्टिव्ह खाती
गेल्या 12 महिन्यांपासून कोणताही व्यवहार न केलेली खाती इनअ‍ॅक्टिव्ह कॅटेगरीत टाकली जातील.
अशा खातेदारांना खातं सक्रिय करण्यासाठी बँकेत संपर्क साधावा लागेल.
- झिरो बॅलन्स खाती
जी खाती दीर्घ काळापासून शून्य शिल्लक असतील, ती बंद करण्यात येतील.
ग्राहकांनी आपल्या खात्यात नियमित व्यवहार ठेवण्यासाठी प्रोत्साहन देण्यात येत आहे.
- डॉरमॅट खाती
दोन वर्ष किंवा त्याहून अधिक काळ व्यवहार नसलेली खाती डॉरमॅट खात्यात गणली जातात.
सायबर गुन्हेगारांसाठी ही खाती सॉफ्ट टार्गेट ठरू शकतात, त्यामुळे ती बंद केली जातील.
ग्राहकांसाठी सूचना
खातं बंद होऊ नये म्हणून नियमित व्यवहार करा.
झिरो बॅलन्स खात्यांमध्ये शिल्लक ठेवा.
बँक शाखेत जाऊन आपल्या KYC (Know Your Customer) प्रक्रियेस पूर्ण करा.
कोणत्याही अनोळखी व्यक्तीस पासवर्ड, पिन, ओटीपी शेअर करू नका.
आरबीआयच्या (RBI) या निर्णयामुळे देशातील बँकिंग क्षेत्र अधिक सुरक्षित आणि विश्वासार्ह होण्याची अपेक्षा आहे. ग्राहकांनी या नियमांनुसार आपली खाती अद्ययावत ठेवावीत.
