Bigg Boss : ‘बिग बॉस मराठी’च्या पाचव्या पर्वाचा विजेता सूरज चव्हाणने त्याचा वाढदिवस साजरा करण्यासाठी ‘कलर्स मराठी’चे प्रोग्रामिंग हेड केदार शिंदेंच्या घरी भेट दिली. सुरुवातीपासूनच सूरजला ‘बिग बॉस’च्या संपूर्ण टीमने पाठिंबा दिला होता, त्यामुळे या विशेष दिवशी त्याने केदार शिंदेंना भेटण्याचा निर्णय घेतला.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
यावेळी, सूरज चव्हाणने केदार शिंदेंना मिठी मारली आणि त्यांच्या आशीर्वाद घेतले. यानंतर, केदार शिंदे यांनी सूरजला वाढदिवसाच्या खास भेटवस्तू देत देवाच्या पादुकांचे गिफ्ट दिले, ज्यामुळे सूरज प्रचंड आनंदित झाला. सूरजने हा सुंदर क्षण सोशल मीडियावर शेअर करत “भेटला विठ्ठल माझा…” हे गाणं जोडलं.
यासोबतच, केदार शिंदे यांनी रंगमंचावरच जाहीर केले होते की ते सूरज चव्हाणला घेऊन ‘झापुक झुपूक’ हा सिनेमा बनवणार आहेत, ज्यात सूरज मुख्य भूमिकेत असणार आहे. यामुळे त्यांच्या फॅन्समध्ये या चित्रपटाबद्दल उत्सुकता वाढली आहे.
या भेटीमुळे सूरज आणि केदार यांच्यातील गुरु-शिष्याचे नाते स्पष्ट झाले असून, या व्हिडिओवर चाहत्यांनी प्रेम आणि कौतुक व्यक्त केले आहे. सूरजने केदार शिंदेंना ‘ते माझे देव आहेत’ असे म्हटले, ज्यामुळे याचा अधिक महत्त्व वाढला आहे .
