परिस्थितीवर मात करत घडवलेले भवितव्य
प्रतिनिधी प्रशांत जेजुरकर : Maya Jagtap : जन्म आपल्या हातात नसतो, पण परिस्थितीवर मात करत भवितव्य घडवणे आपल्या हातात असते. याच प्रेरणादायी संघर्षाची ज्वलंत उदाहरण म्हणजे नाशिक महानगरपालिकेच्या राजमाता जिजाऊ तरण तलावाच्या व्यवस्थापिका माया जगताप.(Maya Jagtap) प्रतिकूल परिस्थितीतून वाट काढत त्यांनी आपल्या जिद्द, मेहनत आणि कौशल्याच्या जोरावर यश मिळवलं.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
साधी पार्श्वभूमी, पण मोठी स्वप्नं (Maya Jagtap)
माया जगताप यांचे बालपण साध्या परिस्थितीत गेले, पण त्यांचे स्वप्न मोठे होते. घरची परिस्थिती अडथळा न मानता, त्यांनी समाजकार्य आणि जलतरण क्षेत्रात स्वतःचे वेगळे स्थान निर्माण केले. आज त्या नाशिक महानगरपालिकेच्या राजमाता जिजाऊ तरण तलावाच्या व्यवस्थापिका म्हणून जबाबदारी सांभाळत आहेत.
उत्कृष्ट जलतरणपटू घडवण्याचे कार्य
माया जगताप यांच्या मार्गदर्शनाखाली अनेक जलतरणपटूंनी राज्य आणि राष्ट्रीय स्तरावर चमकदार कामगिरी केली आहे. त्यांनी प्रशिक्षित केलेल्या खेळाडूंपैकी काही नामांकित नावे खालीलप्रमाणे –
- प्रगती बच्छाव
- प्राची दळवी
- रिया पेखळे
- आदिती हेगडे
- डॉ. आसावरी निरगुडे
- दिविशा कोठारी
- ओवी शहाणे
- योगेश्वरी जेजुरकर
- आकांक्षा जाधव
ही सर्व खेळाडू शालेय स्पर्धांपासून ते राष्ट्रीय स्तरावर पोहचल्या असून, त्यांना घडवण्याचे श्रेय माया जगताप यांनाच जाते.
महिलांसाठी सामाजिक उपक्रम
मुलींच्या जडणघडणीसोबतच माया जगताप महिलांसाठी विविध सामाजिक उपक्रम देखील राबवत असतात.
- महिला मंडळाच्या माध्यमातून आरोग्य शिबिरे
- आहार आणि पोषणविषयक मार्गदर्शन
- महिलांसाठी सहलींचे आयोजन
- खेळ आणि व्यायामाचे उपक्रम
या उपक्रमांमधून त्या महिलांना स्वतःच्या आरोग्याची जाणीव करून देतात आणि त्यांना सशक्त बनवतात.
कुटुंबातून समाजसेवेची प्रेरणा
माया जगताप यांनी केवळ समाजासाठी नव्हे, तर आपल्या तीन मुलांनाही संघर्षमय वाटेने घडवले. त्यांच्या कुटुंबातही समाजकार्याची जाणीव खोलवर रुजलेली आहे. त्यामुळे त्यांच्या मुलांनीही कोणत्याही सामाजिक कार्यात मागे न राहता सहभाग घेतला आहे.
महिला दिनानिमित्त प्रेरणादायी कार्याला सलाम!
माया जगताप यांची ही संघर्षगाथा अनेकांसाठी प्रेरणादायी आहे. कोणत्याही परिस्थितीत हार न मानता मेहनतीच्या जोरावर यश मिळवता येते, हे त्यांनी सिद्ध केले आहे.
महिला दिनाच्या निमित्ताने त्यांच्या कार्याला मनःपूर्वक सलाम! त्यांनी घडवलेल्या महिला खेळाडू भविष्यात जलतरण क्षेत्रात नवा इतिहास घडवतील, यात शंका नाही.
प्रतिनिधी प्रशांत जेजुरकर
