राजकीय वर्तुळात खळबळ, पुण्यात माध्यमांशी संवाद साधून मोठा खुलासा
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
भगव्या उपरण्यापासून चर्चेपर्यंत आणि आता पक्षप्रवेशाच्या दिशेने पाऊल
Ravindra Dhangekar political news – काँग्रेसचे माजी आमदार रवींद्र धंगेकर यांनी अखेर पक्ष परिवर्तनाचा मोठा निर्णय घेतला आहे (Ravindra Dhangekar political news) . गेल्या काही दिवसांपासून त्यांच्या काँग्रेस पक्ष सोडण्याच्या चर्चांना उधाण आले होते. त्यांच्या व्हॉट्सअ‍ॅप स्टेट्सवर भगव्या उपरण्यासोबतचा फोटो पाहून अनेकांना संशय आला होता. आता हे सर्व अंदाज खरे ठरत असून धंगेकर यांनी आज स्पष्ट शब्दांत सांगितले की, ते काँग्रेस पक्ष सोडणार असून लवकरच शिवसेना शिंदे गटात प्रवेश करणार आहेत.
धंगेकरांची स्पष्ट भूमिका – “सत्तेशिवाय काम शक्य नाही”
आज पुण्यात पत्रकारांशी संवाद साधताना रवींद्र धंगेकर म्हणाले,
“मी एकनाथ शिंदे यांच्याकडे काहीही मागितले नाही. फक्त त्यांच्या सोबत काम करण्याची इच्छा आहे. काँग्रेस सोडताना दुःख वाटते, पण कार्यकर्त्यांची आणि मतदारांची कामं पूर्ण करण्यासाठी सत्ता हवी.“
तसेच त्यांनी सांगितले की, उपमुख्यमंत्री एकनाथ शिंदे आणि मंत्री उदय सामंत यांच्याशी याआधी अनेक वेळा चर्चा झाली आहे. या चर्चांनंतर त्यांनी निर्णय घेतला आहे की, राजकीय भविष्याच्या दृष्टिकोनातून सत्ताधारी गटासोबत काम केल्यास विकासकामांना गती मिळेल.
पक्ष सोडण्यामागे कोणती कारणं? (Ravindra Dhangekar political news)
रवींद्र धंगेकर म्हणाले,
“मी काँग्रेसमध्ये १०-१२ वर्षे काम केले. पक्षाने मला खूप काही दिलं. विधान परिषद, लोकसभा निवडणुका लढवल्या. कार्यकर्त्यांचं प्रेम आणि पाठिंबा होता, पण आज मतदारसंघातील लोकांच्या अपेक्षा पूर्ण करायच्या असतील, तर सत्तेचा भाग व्हावं लागतं.“
धंगेकरांनी सांगितलं की, त्यांच्या काँग्रेस पक्षावर कोणतीही नाराजी नव्हती, पण कार्यकर्त्यांच्या भावना आणि मतदारसंघातील गरज लक्षात घेता निर्णय घेणं भाग पडलं.
आज संध्याकाळी निर्णायक भेट – शिंदे गटात अधिकृत प्रवेशाची शक्यता
धंगेकर म्हणाले की,
“आज संध्याकाळी ७ वाजता एकनाथ शिंदे यांची भेट होणार आहे. त्यानंतर अधिकृतपणे पक्षप्रवेशाची तारीख निश्चित होईल.“
या पार्श्वभूमीवर आगामी काही दिवसांत शिवसेना शिंदे गटात रवींद्र धंगेकरांचा जोरदार प्रवेश होण्याची शक्यता असून, पुण्याच्या राजकारणात मोठे परिवर्तन होणार आहे.
राजकीय समीकरणांवर होणार परिणाम?
धंगेकरांचा शिंदे गटातील प्रवेश हे पुण्यातील काँग्रेससाठी मोठे धक्कादायक पाऊल मानले जात आहे. यामुळे आगामी विधानसभा आणि लोकसभा निवडणुकांमध्ये राजकीय समीकरणं बदलण्याची चिन्हं दिसत आहेत.
