केंद्रीय गृहमंत्री Amit Shah अमित शाह यांनी राज्यसभेत संविधानावरील चर्चेदरम्यान केलेल्या विधानामुळे नवीन वाद निर्माण झाला आहे. काँग्रेसने अमित शाह यांच्या विधानावर तीव्र आक्षेप घेतला असून, त्यांच्याकडून माफीची मागणी केली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
वादग्रस्त विधान काय होते?
अमित शाह म्हणाले, “आजकाल आंबेडकरांचे नाव वारंवार घेणे ही फॅशन झाली आहे. आंबेडकर, आंबेडकर, आंबेडकर असा जप काही लोक करत असतात. एवढ्या वेळा जर देवाचे नाव घेतले, तर एखाद्याला स्वर्गात जागा मिळेल.” यासोबतच त्यांनी काँग्रेसवर आंबेडकरांचे नाव केवळ राजकीय फायद्यासाठी वापरण्याचा आरोप केला.
Congress : अमित शाह यांच्या विधानावर वाद: काँग्रेसची माफीची मागणी, राष्ट्रभर संताप : काँग्रेसची प्रतिक्रिया*
काँग्रेसचे खासदार राहुल गांधी यांनी अमित शाह यांच्या विधानाचा निषेध करत, “ज्यांना मनुस्मृतीवर विश्वास आहे, त्यांना आंबेडकरांची अडचण असते,” अशी टिप्पणी केली. काँग्रेसचे नेते जयराम रमेश यांनी अमित शाह यांच्यावर टीका करत, “भाजपा आणि संघाच्या मनात डॉ. बाबासाहेब आंबेडकरांविषयी किती घृणा आहे, हे या विधानावरून स्पष्ट होते,” असे म्हटले.
विरोधी पक्षांचा आक्रमक पवित्रा
राज्यसभेतील विरोधी पक्षनेते मल्लिकार्जुन खरगे यांनीही अमित शाह यांच्यावर टीका करत भाजपा आणि संघावर तीव्र हल्ला चढवला. “भाजपाला मनुस्मृती हवी होती, पण डॉ. बाबासाहेब आंबेडकरांनी ते होऊ दिले नाही. त्यामुळेच तुम्ही बाबासाहेबांचा द्वेष करता,” असा सवाल खरगे यांनी विचारला.
भाजपाचा प्रतिवाद
भाजपाकडून या प्रकरणावर अजून अधिकृत प्रतिक्रिया आलेली नसली, तरी पक्षाचे अनेक नेते अमित शाह यांचे विधान चुकीच्या पद्धतीने सादर केल्याचा आरोप करत आहेत.
