नाशिक, २० नोव्हेंबर २०२४ – दिंडोरी येथे निवडणूक प्रक्रियेत हलगर्जीपणा करणाऱ्या नऊ शिक्षकांवर गुन्हा दाखल करण्यात आला आहे. हे शिक्षक निवडणूकविषयक प्रशिक्षण आणि कामासाठी अनुपस्थित राहिले होते. त्यामुळे निवडणूक प्रक्रियेत अडथळा निर्माण झाला.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
घटनेचा तपशील
मंगळवारी दिंडोरी येथील महाविद्यालयात २,१३० मतदान अधिकारी आणि कर्मचाऱ्यांसाठी तिसऱ्या टप्प्यातील निवडणूक प्रशिक्षण शिबीर आयोजित करण्यात आले होते. प्रशिक्षणानंतर मतदान साहित्य वितरित करून सर्वांना मतदान केंद्रांवर पाठवण्यात आले. मात्र, यामध्ये नऊ कर्मचारी अनुपस्थित राहिले.
तहसीलदार वसंत धुमसे यांनी सांगितले की, या कर्मचाऱ्यांनी अनुपस्थितीबाबत निवडणूक कार्यालयाला कोणतीही पूर्वसूचना किंवा परवानगी मागितलेली नव्हती. मोबाईलवर संपर्क करण्याचा प्रयत्न केला असता, त्यांनी फोन बंद ठेवले होते.
गुन्हा दाखल झालेल्यांची नावे
- लक्ष्मण आहेर – बागबारी, जिल्हा परिषद शाळा
- चंद्रकांत थविल – सुरगाणा, सार्वजनिक बांधकाम विभाग
- महेंद्र पवार – निफाड, के.जी.डी.एम. महाविद्यालय
- चेतन कुंदे – निफाड, के.जी.डी.एम. महाविद्यालय
- श्यामकुमार बोरसे – सार्वजनिक बांधकाम उपविभाग
- हिरामण सूर्यवंशी – खर्डे, इंदिरा माध्यमिक व उच्च माध्यमिक विद्यालय
- अमोल खालकर – चांदोरी, क.का. वाघ वरिष्ठ महाविद्यालय
- तारिक गणी – जिल्हा परिषद उर्दू शाळा
- मोहन चौधरी – अलंगुन, आश्रमशाळा
कायदेशीर कारवाई सुरू
निवडणूक प्रक्रियेतील हलगर्जीपणामुळे भारतीय दंड संहिता आणि निवडणूक कायद्याच्या संबंधित कलमांनुसार या शिक्षकांवर गुन्हा दाखल करण्यात आला आहे. निवडणूक प्रक्रियेस अडथळा आणणाऱ्या व्यक्तींवर कडक कारवाई केली जाईल, असे तहसीलदारांनी सांगितले.
