नाशिक: दिंडोरी विधानसभा मतदारसंघाच्या निवडणुकीत अजित पवार गटाच्या राष्ट्रवादी काँग्रेसचे उमेदवार नरहरी झिरवाळयांनी प्रचंड मताधिक्याने विजय मिळवत सलग तिसऱ्यांदा हॅट्रिक साधली आहे. त्यांनी प्रतिस्पर्धी उमेदवारांवर 44,532 मतांची लक्षणीय आघाडी घेतली.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
अंतिम मतमोजणी निकाल:
- नरहरी झिरवाळ (राष्ट्रवादी काँग्रेस – अजित पवार गट): 1,38,442 मते
- सुनीता चारोस्कर (शिंदे गट – शिवसेना): 93,910 मते
- सुशीला चारोस्कर (अपक्ष): 9,694 मते
- संतोष रेहरे (अपक्ष): 4,311 मते
मतमोजणीत सुरुवातीपासूनच नरहरी झिरवाळ यांचा विजय स्पष्ट दिसत होता. त्यांनी मतदारांचा विश्वास मिळवून प्रचंड मताधिक्याने विजय मिळवला. झिरवाळ यांनी हा विजय राष्ट्रवादी काँग्रेसच्या विचारधारेचा आणि त्यांच्या मतदारसंघातील प्रामाणिक कामगिरीचा विजय असल्याचे म्हटले आहे.
झिरवाळ यांची हॅट्रिक:*
दिंडोरी मतदारसंघात नरहरी झिरवाळ हे तिसऱ्यांदा निवडून आले आहेत. त्यांच्या या हॅट्रिक विजयामुळे मतदारसंघात राष्ट्रवादी काँग्रेसच्या गटासाठी उत्साहाचे वातावरण आहे. झिरवाळ यांनी विजयाच्या क्षणी आपल्या समर्थकांचे आणि मतदारांचे आभार मानले आणि दिंडोरी मतदारसंघाच्या सर्वांगीण विकासासाठी प्रामाणिकपणे काम करण्याचा निर्धार व्यक्त केला.
नरहरी झिरवाळ यांनी विजयाच्या निमित्ताने संवाद साधताना सांगितले की, “मतदारांनी दाखवलेला विश्वास कायम ठेवण्यासाठी मी आणि माझी टीम दिवस-रात्र झटणार आहोत. दिंडोरी मतदारसंघाचा विकास हा माझ्यासाठी प्राधान्याचा विषय आहे.”
दिंडोरी विधानसभा निवडणुकीतील हा विजय नरहरी झिरवाळ यांच्यासाठी आणि राष्ट्रवादी काँग्रेस गटासाठी महत्त्वाचा ठरला असून त्यांच्या पुढील वाटचालीकडे सर्वांचे लक्ष लागले आहे.
