आशियाई बाजारातील सकारात्मकतेचा प्रभाव
Indian Stock Market : बुधवारी (५ मार्च) भारतीय शेअर बाजारात (Indian Stock Market) चांगलीच तेजी दिसून आली. सकाळच्या सत्रात सेन्सेक्स ५०० अंकांनी वाढून ७३,५०० वर पोहोचला, तर निफ्टी ५० निर्देशांकात १६५ अंकांची वाढ झाली आणि तो २२,२५० च्या जवळ व्यवहार करत आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
प्रमुख क्षेत्रांमध्ये वाढ
- निफ्टी आयटी निर्देशांक १.९% वाढला
- निफ्टी ऑटो १.७% आणि निफ्टी बँक ०.७% वाढले
- बीएसई मिडकॅप आणि स्मॉलकॅपमध्येही खरेदीचा जोर
- बीएसई मिडकॅप १.८% वाढला
- बीएसई स्मॉलकॅप १.९% वाढला
सेन्सेक्समध्ये ‘हे’ शेअर्स तेजीत
एम अँड एम, टाटा स्टील, टेक महिंद्रा, एनटीपीसी, पॉवर ग्रिड, अदानी पोर्ट्स, टाटा मोटर्स, भारती एअरटेल, ॲक्सिस बँक आणि एसबीआय हे शेअर्स १ ते ३% पर्यंत वाढले.
Indian Stock Market : ‘हे’ शेअर्स घसरले
बजाज फायनान्स, बजाज फिनसर्व्ह, अल्ट्राटेक सिमेंट यामध्ये घसरण झाली.
निफ्टीची १० दिवसांनंतर रिकव्हरी
निफ्टीने सलग १० दिवस घसरणीचा ट्रेंड दाखवला होता, जे १९९६ पासूनची सर्वात मोठी घसरण होती. सप्टेंबर २०२४ मध्ये निफ्टीने २६,२७७ चे शिखर गाठले होते, मात्र तिथून तो १६% खाली आला होता. बुधवारी मात्र गुंतवणूकदारांना काहीशी दिलासा मिळाली.
गुंतवणूकदारांना दिलासा देणारे वक्तव्य
अमेरिका आणि त्याच्या व्यापार भागीदारांमध्ये वाढलेल्या टॅरिफ वॉरमुळे जागतिक बाजार अस्थिर झाला होता. मात्र, अमेरिकेच्या वाणिज्य मंत्र्यांनी मेक्सिको आणि कॅनडावरचे शुल्क कमी करण्याचे संकेत दिल्याने बाजाराला आधार मिळाला.
यापुढेही शेअर बाजारातील हालचालींसाठी जागतिक घडामोडींवर नजर ठेवणे गरजेचे आहे!
