Maha Vikas Aghadi Reaches Consensus on 260 Seats, Deadlock on 28 Seats Remains
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
मुंबई: महाविकास आघाडीतील तिन्ही पक्ष शिवसेना (उद्धव बाळासाहेब ठाकरे गट) राष्ट्रवादी काँग्रेस पक्ष (शरद पवार गट ) आणि काँग्रेस यांच्यात आगामी विधानसभा निवडणुकीसाठी 260 जागांवर तोडगा निघाला आहे. मात्र, 28 जागांवर अद्याप तिढा कायम असून, या जागांबाबतचा निर्णय येत्या दोन दिवसांत होणार असल्याचे काँग्रेस प्रदेशाध्यक्ष नाना पटोले ( Nana patole) यांनी स्पष्ट केले आहे.
पटोले माध्यमांशी बोलत असताना त्यांनी ही माहिती दिली .महाविकास आघाडीतील उमेदवारांची अंतिम यादी शरद पवार आणि काँग्रेसच्या वरिष्ठ नेत्यांकडे पाठवण्यात येणार आहे. या यादीची घोषणा उद्या किंवा परवा होण्याची शक्यता आहे. तिढा असलेल्या 28 जागांवर दोन दिवसांच्या आत तोडगा काढण्याचे प्रयत्न सुरू आहेत.
आघाडीतील वाटाघाटींमध्ये महाविकास आघाडीतील तिन्ही पक्षांच्या नेत्यांनी एकत्र येऊन 260 जागांसाठी सहमती दर्शवली आहे. उर्वरित 28 जागांवर पक्षांचे मतभेद असून, त्यावर तोडगा काढण्यासाठी वरिष्ठ पातळीवर चर्चा सुरू आहे. यामध्ये प्रमुख नेत्यांचा समावेश आहे, ज्यामुळे लवकरच अंतिम निर्णय होण्याची अपेक्षा आहे.
शरद पवार आणि वरिष्ठ नेत्यांचा सहभाग महत्त्वाचा महाविकास आघाडीच्या उमेदवारांची अंतिम यादी तयार करण्याच्या प्रक्रियेत राष्ट्रवादी काँग्रेस पक्षाचे अध्यक्ष शरद पवार आणि काँग्रेसचे वरिष्ठ नेते महत्त्वपूर्ण भूमिका बजावत आहेत. उमेदवारांची यादी जाहीर होण्यापूर्वी तिला या वरिष्ठ नेत्यांची मंजुरी मिळणे गरजेचे असल्याचे पटोले यांनी सांगितले.
विधानसभा निवडणुकीतील उमेदवारांची लवकरच घोषणा 260 जागांवर सहमती झाल्याने महाविकास आघाडीतील उमेदवारांची अधिकृत घोषणा लवकरच होईल, अशी शक्यता वर्तवण्यात येत आहे.
