पुणे: एसटी महामंडळाने अशोक लेलँड कंपनीकडून २५०० साध्या डिझेल बसेस खरेदी केल्या असून त्यांची पहिली प्रतिकृती तयार झाली आहे. या प्रतिकृतीची विविध तपासण्या सुरू असून अंतिम तपासणी १० सप्टेंबर रोजी तिरुचिरापल्ली (तामिळनाडू) येथील कंपनीच्या कारखान्यात केली जाईल.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
अशोक लेलँड कंपनीने सांगितल्याप्रमाणे, यानंतरच्या महिन्यात, म्हणजे आक्टोंबरपासून, एसटी महामंडळाला ५० ते १०० डिझेल बसेस मिळण्यास सुरुवात होईल. नोव्हेंबरपासून, १५० ते ३०० बसेस एसटी महामंडळाच्या ताफ्यात दाखल होण्याची अपेक्षा आहे.
याशिवाय, एसटी महामंडळ लवकरच १३१० बसेस खासगी भाडेतत्त्वावर घेणार आहे. या बसेस १२ मीटर लांबीच्या असून, डिझेल इंधनावर चालतील. या बसेस विविध आगारांमध्ये वितरित केल्या जातील.
एसटी महामंडळाच्या या नवीन खरेदीमुळे सार्वजनिक परिवहन सेवेला मोठा फायदा होईल आणि प्रवाशांना अधिक आरामदायक व विश्वासार्ह सेवा मिळण्यास मदत होईल.
