कजागिस्तान अपघातात नाशिकच्या वैद्यकीय विद्यार्थ्याचा दुर्दैवी मृत्यू

नाशिक रोड, दि. १२ : गणेशोत्सवाच्या आनंदात असलेला एक कुटुंब आपल्या लाडक्या मुलाच्या दुर्दैवी अपघातात मृत्यूमुळे शोकमग्न झाला आहे. नाशिकचा २२ वर्षीय अभिषेक युवराज जाधव, जो रशियात वैद्यकीय शिक्षण घेत होता, कजागिस्तानमध्ये झालेल्या एका भीषण कार अपघातात मृत्यू पावला आहे. अभिषेक रशियातील विद्यापीठात एमबीबीएसच्या तिसऱ्या वर्षात शिकत होता. गणेशोत्सवासाठी तो काही दिवसांपूर्वी नाशिकला आपल्या आई-वडिलांकडे आला होता. गणेशोत्सव साजरा करून, ९ सप्टेंबर रोजी तो रशियाला परतत असताना कजागिस्तानमध्ये त्याच्या कारचा अपघात झाला. एक ट्रक अचानक रस्त्यावर आल्याने, अभिषेकची कार भरधाव वेगात जाऊन त्यावर आदळली, आणि त्यात अभिषेकचा जागीच मृत्यू झाला. त्याचे इतर मित्र गंभीर जखमी झाले आहेत.अभिषेक हा आपल्या कुटुंबाचा एकुलता एक मुलगा होता आणि त्याला एक लहान बहीण आहे. त्याच्या निधनाने संपूर्ण परिसरात शोककळा पसरली आहे. गुरुवारी, १२ सप्टेंबर रोजी, अभिषेकचा मृतदेह दिल्लीहून मुंबई आणि त्यानंतर नाशिकमध्ये आणला जाणार आहे.