नाशिक महापालिका निवडणुका : भाजपची रणनीती, माजी नगरसेवकांचे ‘रिपोर्ट कार्ड’ (BJP Report Card)आणि नव्या दमाचा शोध
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
नाशिक: आगामी महापालिका NMC निवडणुकांसाठी भाजपने तयारीचा कमालीचा धडाका लावला आहे. पक्षाने स्थानिक आणि प्रदेश पातळीवर सर्वेक्षण सुरू करताना माजी नगरसेवकांचे ‘रिपोर्ट कार्ड’ (Report Card) तयार करण्याची मोहीम हाती घेतली आहे. जनतेमध्ये कामगिरीची छाप उमटवणारे नगरसेवक बाजी मारतील, तर निष्क्रिय ठरलेल्यांना संधी गमवावी लागणार आहे.
भाजपची निवडणूक तयारी आणि रिपोर्ट कार्ड मोहीम
गेल्या तीन वर्षांपासून नाशिक महापालिकेत NMC प्रशासकीय राजवट आहे. विधानसभा निवडणुकीत महायुतीला यश मिळाल्यानंतर महापालिका निवडणुकांवर सर्वांचे लक्ष केंद्रित झाले आहे. मात्र, सध्या सर्वोच्च न्यायालयाच्या ओबीसी आरक्षणासंबंधी निर्णयाची प्रतीक्षा आहे. निवडणुका लांबणीवर पडल्याने थंडावलेली राजकीय हालचाल आता पुन्हा गती घेताना दिसत आहे.
भाजपची ‘रिपोर्ट कार्ड’ (BJP Report Card) मोहीम
गेल्या महापालिका निवडणुकीत NMC भाजपने 66 नगरसेवक निवडून आणत आपले वर्चस्व प्रस्थापित केले होते. मात्र, पुढील निवडणुकीत ही कामगिरी पुन्हा उंचवण्यासाठी पक्षाने कठोर पावले उचलली आहेत. माजी प्रदेशाध्यक्ष चंद्रकांत पाटील यांच्या कार्यकाळात प्रस्तावित ‘रिपोर्ट कार्ड’ संकलन आता पुन्हा सुरू झाले आहे. भाजप शहराध्यक्ष प्रशांत जाधव यांच्या म्हणण्यानुसार, इच्छुक उमेदवार आणि माजी नगरसेवकांना स्थानिक पातळीवरील कामांची माहिती देणे अनिवार्य करण्यात आले आहे.
जनतेशी थेट संपर्काला प्राधान्य
महापालिका निवडणुकीच्या पार्श्वभूमीवर भाजपचे सर्वेक्षण नव्या कसोट्या लावणार आहे. केवळ चांगली प्रतिमा असून चालणार नाही; स्थानिक नागरिकांशी थेट संवाद साधणारे आणि प्रभावी काम करणारे उमेदवार पक्षाच्या अंतिम यादीत स्थान मिळवतील. जनतेच्या अपेक्षा पूर्ण करण्यात अपयशी ठरलेले नगरसेवक नापास ठरण्याची शक्यता आहे.
नाशिकच्या राजकीय रणांगणात तापलेली हवा
महापालिका निवडणुकीच्या या हालचालींमुळे इच्छुक उमेदवारांनी सक्रियता वाढवली आहे. पक्षीय स्तरावर होणारे निर्णय आणि सर्वेक्षणाचे निष्कर्ष यावर भाजपचा भावी यशाचा आलेख अवलंबून राहणार आहे.
आता या ‘रिपोर्ट कार्ड’ मोहिमेने भाजपमधील अंतर्गत चुरस वाढवली असून, पक्षाची अंतिम निवड यादी कशी असेल हे पाहणे उत्सुकतेचे ठरेल.
