Dindori Car Accident | Nashik Accident Today | Dindori Taluka News
नाशिक Nashik Dindori Accident News: नाशिक जिल्ह्यातील दिंडोरी (Dindori) तालुक्यात एक हृदयद्रावक अपघात घडला असून, वाढदिवस साजरा करून परतणाऱ्या तीन कुटुंबांवर काळाने घाला घातला. वणी-नाशिक रस्त्यावर (Vani-Nashik Road Accident) बुधवारी मध्यरात्री १.३० च्या सुमारास एक अल्टो कार (MH 04 DY 6642) नियंत्रण सुटल्याने पाण्याने भरलेल्या नाल्यात कोसळली. या दुर्घटनेत दोन वर्षांच्या बालकासह सात जणांचा मृत्यू झाला आहे.
दिंडोरी अपघातात (Dindori Accident) कार पाण्यात बुडाल्याने मृत्यू
अधिक माहितीनुसार, दिंडोरीतील सारसाळे, कोशिंबे आणि देवठाण येथील तीन कुटुंबे नाशिकमध्ये नातेवाइकाच्या मुलाच्या वाढदिवसासाठी आली होती. कार्यक्रमानंतर रात्री ते आपल्या गावी परतत असताना, नवीन कृषी उत्पन्न बाजार समितीच्या समोर त्यांच्या कारची एक मोटरसायकलवर धडक झाली. या धडकेनंतर कार चालकाचे नियंत्रण सुटले आणि गाडी थेट रस्त्याच्या कडेला असलेल्या खोल नाल्यात उलटली.
कार पाण्यात पूर्णपणे बुडाल्याने आणि दरवाजे लॉक झाल्यामुळे प्रवाशांना बाहेर पडता आले नाही. पाण्यात गुदमरून मृत्यू झाल्याचा प्राथमिक अंदाज पोलिसांनी व्यक्त केला आहे.
मृतांची नावे – Dindori Car Accident Victims
या दुर्घटनेत मृत्यू झालेल्यांमध्ये खालील सात जणांचा समावेश आहे:
- देविदास पंडित गांगुर्डे (वय 28, रा. सारसाळे)
- मनीषा देविदास गांगुर्डे (वय 23)
- उत्तम एकनाथ जाधव (वय 42, रा. कोशिंबे)
- अल्का उत्तम जाधव (वय 38)
- दत्तात्रेय नामदेव वाघमारे (वय 45, रा. देवपूर)
- अनुसया दत्तात्रय वाघमारे (वय 40)
- भावेश देविदास गांगुर्डे (वय 2)
अपघातात दुचाकीस्वार जखमी – Dindori Bike-Car Accident (Nashik Dindori Accident News)
कारला धडक दिलेल्या मोटरसायकलवरील दोन तरुण – मंगेश यशवंत कुरघडे (वय २५) आणि अजय जगन्नाथ गोंद (वय १८) हे गंभीर जखमी झाले असून, त्यांच्यावर नाशिकच्या शासकीय रुग्णालयात उपचार सुरू आहेत.
दिंडोरी तालुक्यावर शोककळा
या अपघातामुळे संपूर्ण दिंडोरी परिसरात हळहळ व्यक्त केली जात असून, माजी नगराध्यक्ष कैलास मवाळ यांनी घटनास्थळी भेट देऊन कुटुंबीयांचे सांत्वन केले. दिंडोरी पोलीस ठाण्याचे निरीक्षक शेगर यांच्या मार्गदर्शनाखाली पुढील तपास सुरू आहे.
