नाशिक (प्रतिनिधी): नाशिक रोड रेल्वे स्थानकावर मध्य रेल्वेचे प्रधान मुख्य वाणिज्य प्रबंधक . अरविंद्र मालखेडे आणि भुसावळचे वरिष्ठ मंडळ वाणिज्य प्रबंधक . अजय कुमार यांनी लासलगाव, मनमाड आणि अंकाई किल्ल्यातील कांदा व्यापाऱ्यांसोबत महत्त्वपूर्ण बैठक आयोजित केली. या बैठकीचा उद्देश कांद्याच्या लोडिंग प्रक्रियेस प्रारंभ करण्यावर केंद्रित होता.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
बैठकीदरम्यान कांदा व्यापाऱ्यांनी २०२४ च्या नोव्हेंबर महिन्याच्या मध्यापासून कांदा लोडिंगला प्रारंभ करण्याचे आश्वासन दिले. यामुळे कांदा व्यापारी आणि रेल्वे प्रशासन यांच्यातील सहकार्य मजबूत होण्याची शक्यता आहे.
याचवेळी प्रधान मुख्य वाणिज्य प्रबंधकांनी नाशिक, लासलगाव, आणि कासबे सुकने या स्थानकांचे निरीक्षण केले. स्थानकांवरील पायाभूत सुविधांचा आढावा घेत सुधारणा करण्याच्या दृष्टीने उपाययोजनांवर चर्चा करण्यात आली.
तसेच, २१ सप्टेंबर २०२४ रोजी ‘एक झाड आईच्या नावावर’ या वृक्षारोपण मोहिमेअंतर्गत नाशिक रोड स्थानकावर वृक्षारोपण करण्यात आले. या उपक्रमात प्रधान मुख्य वाणिज्य प्रबंधक, वरिष्ठ मंडळ वाणिज्य प्रबंधक, स्टेशन प्रबंधक, मुख्य वाणिज्य निरीक्षक, मुख्य आरोग्य निरीक्षक आणि इतर कर्मचारी उपस्थित होते
