नाशिकच्या महावस्त्रांचा विठुरायाला साज : पंढरपूरच्या विठ्ठल-रखुमाईला यंदा नाशिकहून खास रेशमी महावस्त्रांचा साज मिळणार आहे. आषाढी एकादशीनिमित्त (दि. ६ जुलै) होणाऱ्या मुख्यमंत्र्यांच्या सपत्नीक महापूजेसाठी भाजपच्या आध्यात्मिक आघाडीचे प्रमुख तुषार भोसले यांच्या पुढाकाराने ही भव्य महावस्त्रे तयार करण्यात आली आहेत. शुक्रवारी (दि. ४) ही वस्त्रे पंढरपूरकडे रवाना झाली.
रेशमी, भरजरी, कलात्मक महावस्त्रांची खास तयारी
- विठ्ठलासाठी तयार महावस्त्र :
- तलम रेशमी जांभळ्या रंगाचे भरजरी वस्त्र
- कलात्मक झरी व एम्ब्रॉयडरी काम
- अंगरखा, भगव्या रंगाचे सोवळे आणि जांभळ्या-सोनेरी झालर असलेला शेला
- रखुमाईसाठी नऊवारी पैठणी :
- नाचणाऱ्या मोराच्या पदराची जांभळ्या रंगाची जरतारी नऊवारी
- भगव्या रंगाचा कलात्मक शेला
मुख्यमंत्र्यांचे संकल्प आणि तुषार भोसले यांचा पुढाकार (नाशिकच्या महावस्त्रांचा विठुरायाला साज)
मुख्यमंत्री देवेंद्र फडणवीस यांनी यंदा पूजेसाठी विशेष रंगांची महावस्त्रे नाशिकहून पाठवण्याची इच्छा व्यक्त केली होती. या संकल्पास तुषार भोसले यांनी प्रतिसाद देत उच्च प्रतीची वस्त्रे तयार करून घेतली आहेत.
त्यांनी सांगितले की, “मुख्यमंत्री पुन्हा सत्तेवर यावेत अशी विठुरायाला प्रार्थना केली होती. ती साकार झाली. त्यामुळे नाशिकहून महावस्त्र अर्पण करण्याचा संकल्प पूर्ण करत आहोत.”
पंढरपूरकडे भक्तिभावाने रवाना झाले नाशिकचे योगदान
विठ्ठल रखुमाईच्या महापूजेच्या दिवशी संपूर्ण महाराष्ट्राचे लक्ष पंढरपूरकडे लागलेले असते. यंदा त्या दिवशी नाशिकची कलात्मकता आणि श्रद्धा विठुरायाच्या शृंगारात दिसून येणार आहे.
