नाशिकच्या ओझर विमानतळावरून नाशिक-बेंगळुरू विमानसेवा १० सप्टेंबर २०२४ पासून सुरू झाली आहे. या सेवेला पहिल्याच दिवशी उत्स्फूर्त प्रतिसाद मिळाला असून, ३६७ प्रवाशांनी प्रवास केला. प्रारंभिक प्रतिसादाच्या आधारावर कंपनीने १८० आसनी विमानाच्या ऐवजी २३२ आसनी विमान देण्याचे ठरवले आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
विमानसेवेची माहिती:
- उड्डाण वेळ: बेंगळुरू येथून दुपारी २:३० वाजता उड्डाण होईल.
- पहुचण्याची वेळ: सायंकाळी ४:२० वाजता नाशिकला पोहोचेल.
- पुन्हा उड्डाण: नाशिकहून सायंकाळी ४:५० वाजता उड्डाण होईल.
- अंतिम पोहोचण्याची वेळ: बेंगळुरूला ६:३० वाजता पोहोचेल.
सेवेच्या प्रारंभासंबंधी:
‘इंडिगो’ कंपनीने प्रारंभिक १८० आसनी विमान निश्चित केले होते, पण प्रवाशांचा उत्स्फूर्त प्रतिसाद पाहता, २३२ आसनी विमान उपलब्ध करून दिले आहे. पुढील दोन महिन्यांसाठी हे विमान या मार्गावर सेवा देईल.
आर्थिक व औद्योगिक लाभ:
या नव्या विमानसेवेमुळे नाशिक- बेंगळुरू दरम्यान व्यापार, उद्योग आणि पर्यटन क्षेत्राला मोठा फायदा होणार आहे. नाशिकच्या दक्षिण भारताशी जोडण्यामुळे, बेंगळुरू येथून नाशिकमध्ये गुंतवणूक वाढण्याची शक्यता आहे.
संघटनांचे योगदान:
निमा, आयमा, महाराष्ट्र चेंबर, तान व इतर औद्योगिक आणि व्यापारी संघटनांनी या सेवेसाठी सक्रिय पाठपुरावा केला. अखेर, कंपनीने १० सप्टेंबरपासून ही सेवा सुरू केली आहे.
