भारतीय सुरक्षा एजन्सींच्या प्रयत्नांना यश, फरार आरोपीला अटक
PNB scam mastermind caught : हीरे व्यापारी आणि पंजाब नॅशनल बँकेच्या 13,500 कोटी रुपयांच्या घोटाळ्याचा मुख्य आरोपी मेहुल चोक्सी याला बेल्जियममध्ये अटक (PNB scam mastermind caught) करण्यात आली आहे. ही कारवाई भारतीय सीबीआय आणि इतर सुरक्षा यंत्रणांच्या विशेष मागणीवरून करण्यात आली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
2018 पासून फरार होता चोक्सी
घोटाळ्यानंतर अँटिग्वाला पळून गेला होता
2018 मध्ये पीएनबी घोटाळ्याप्रकरणी मेहुल चोक्सी आणि इतरांविरोधात गुन्हा दाखल करण्यात आला होता. त्यानंतर चोक्सीने अँटिग्वा आणि बारबुडा येथे आश्रय घेतला. सीबीआयने फेब्रुवारी 2018 मध्ये इंटरपोलमार्फत नॅशनल सेंट्रल ब्युरोच्या माध्यमातून चोक्सीच्या शोधासाठी प्रयत्न सुरू केले.
कायदेशीर कारवाई आणि आरोपपत्रांची मालिका
चोक्सीविरोधात CBI कडून सात आरोपपत्रे दाखल
सीबीआयने मेहुल चोक्सीविरोधात IPC कलम 120-B, 409, 420, 477A, 201 तसेच भ्रष्टाचार प्रतिबंधक कायदा 1988 अंतर्गत कलम 7, 13(2), 13(1)(C)(D) नुसार दोन प्राथमिक आरोपपत्रे दाखल केली होती. त्यानंतर 2022 मध्ये आणखी पाच फौजदारी खटले दाखल करण्यात आले.
बेल्जियममध्ये अटक: प्रत्यार्पणाच्या प्रक्रियेला गती
भारतीय यंत्रणांच्या मागणीवरून बेल्जियम सरकारने कार्यवाही करत चोक्सीला अटक केली आहे. ही अटक शनिवार (13 एप्रिल 2025) रोजी झाली असून, लवकरच त्याच्या प्रत्यार्पणाच्या प्रक्रियेला वेग येण्याची शक्यता आहे.
