Nashik : महानगरपालिकेच्या आयुक्तपदी वर्धा जिल्हाधिकारी राहुल कर्डिले Rahul Kardile यांची नियुक्ती करण्यात आली आहे. या निर्णयामुळे सिंहस्थ कुंभमेळा नियोजनाला गती मिळणार असल्याची अपेक्षा व्यक्त होत आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
- बदलीचे कारण
मागील आयुक्त डॉ. अशोक करंजकर यांच्या कार्यकाळात वादग्रस्त प्रकरणे आणि विकासकामांतील अडथळ्यांमुळे त्यांच्या बदलीची मागणी जोर धरत होती. बिल्डर लॉबीसाठी धनादेश प्रकरण आणि सफाई कर्मचारी निविदेत अटी बदलल्याच्या आरोपांमुळे त्यांच्यावर टीका झाली होती. याशिवाय, कुंभमेळ्यासंदर्भातील विकासकामांना गती नसल्याने थेट आयएएस अधिकाऱ्याची आवश्यकता असल्याचे बोलले जात होते.
Nashik : महानगरपालिकेचे आयुक्त बदलले : राहुल कर्डिले Rahul Kardile यांचा परिचय
राहुल कर्डिले Rahul Kardile हे अहमदनगर जिल्ह्यातील गेवराई येथील रहिवासी असून, २०१५ मध्ये आयएएस झाले. त्यांनी टेलिकॉम मंत्रालय, आदिवासी विकास प्रकल्प, चंद्रपूर जिल्हा परिषद, आणि मुंबई महानगर प्रदेश विकास प्राधिकरण यांसारख्या महत्त्वाच्या पदांवर काम केले आहे. वर्धा जिल्हाधिकारी म्हणून त्यांनी प्रभावी कामगिरी बजावली.
Rahul Kardile : नव्या आयुक्तांसमोरील आव्हाने
- सिंहस्थ कुंभमेळ्याचे नियोजन: वेळेवर विकासकामे पूर्ण करून नियोजन योग्य प्रकारे अमलात आणणे.
- महानगरपालिकेचे उत्पन्न वाढवणे: नवे आर्थिक स्रोत निर्माण करणे.
- नोकरभरती आणि पदोन्नती प्रश्न सोडवणे: मनपातील रिक्त पदे भरण्यासाठी ठोस पावले उचलणे.
शासनाचा निर्णय
शासनाने हा निर्णय घेतल्यामुळे कुंभमेळ्याचे व्यवस्थापन आणि महानगरपालिकेची कार्यक्षमता सुधारण्याच्या दृष्टीने मोठी पावले उचलली आहेत.
डॉ. करंजकर यांचे पुढील स्थान
डॉ. अशोक करंजकर यांच्या बदलीनंतर त्यांची नियुक्ती कोठे करण्यात आली, याची माहिती अद्याप समोर आलेली नाही.
He Pan Wacha : Nashik : खासदार राजाभाऊ वाजे आक्रमक: केंद्रीय नगर विकास मंत्रालयाकडे घेतली हरकत
