Raj Thackeray Kumbh Mela controversy : “राज ठाकरे Vs गिरीश महाजन: कुंभस्नानावरून पेटला वाद, गोदावरी स्वच्छतेचा मंत्र!”

“कुंभस्नान अंधश्रद्धा नाही, ही आमची श्रद्धा आणि धार्मिक परंपरा आहे” — गिरीश महाजन यांचा ठाकरेंना जोरदार प्रतिउत्तर

नाशिकच्या गोदावरी नदीचे पाणी शुद्ध करण्यासाठी ₹1200 कोटींचा MLT प्रकल्प

Raj Thackeray Kumbh Mela controversy : महाराष्ट्र नवनिर्माण सेनेचे प्रमुख राज ठाकरे यांनी कुंभमेळ्यातील पवित्र स्नानावर केलेल्या वक्तव्यानंतर राजकीय वातावरण चांगलेच तापले आहे. त्यांच्या वक्तव्यावरून भाजपचे नेते आक्रमक झाले असून भाजप नेते प्रवीण दरेकर, राम कदम, आणि आता जलसंपदामंत्री गिरीश महाजन यांनी देखील यावर प्रत्युत्तर दिले आहे.

“कुंभस्नान ही अंधश्रद्धा नाही, ही आपल्या श्रद्धेची शेकडो वर्षांची परंपरा” — महाजन

राज ठाकरे यांनी आपल्या भाषणात कुंभस्नानाची खिल्ली उडवल्याचे म्हटले जात आहे. यावर जलसंपदामंत्री गिरीश महाजन यांनी स्पष्ट शब्दात प्रत्युत्तर देत सांगितले की, “स्नान अंधश्रद्धा नाही, ती श्रद्धा आहे — ही आपल्या धार्मिक परंपरेशी जोडलेली आहे.“

महाजन पुढे म्हणाले, “पवित्र गोदावरीत स्नान करताना लोक श्रद्धेने एक डुबकी मारतात, ही भावना नाकारता येणार नाही.“

गोदावरी नदी स्वच्छतेसाठी महत्त्वाचे पावले — ₹1200 कोटींचा MLT प्लांट

गिरीश महाजनांनी यावेळी नाशिक आणि त्र्यंबकेश्वर येथील कुंभमेळा कामांची पाहणी केली. त्यांनी माध्यमांशी संवाद साधताना स्पष्ट केलं की, “नाशिकमधील गोदावरी नदीतील पाणी दूषित होणे ही बाब आम्ही मान्य करतो. पण त्यावर उपाय म्हणून मोठ्या प्रमाणात उपाययोजना सुरू आहेत.“

₹1200 कोटींच्या MLT प्रकल्पाचे काम सुरू असून नदी शुद्धीकरणावर सरकार विशेष लक्ष देत आहे.
कुंभमेळ्यात शाही स्नानाच्या आधी गोदावरी स्वच्छ ठेवण्यासाठी विशेष मोहिमा राबवण्यात येणार आहेत.

राज ठाकरे यांना टोला — “त्यांना वेगळं वाटू शकतं, पण श्रद्धेचा अपमान योग्य नाही”

गिरीश महाजन यांनी स्पष्ट सांगितले की, “गंगा आणि गोदावरी या नद्यांना धार्मिक महत्त्व आहे. अशा श्रद्धास्थानांबद्दल अश्रद्धा पसरवणं हे योग्य नाही. राज ठाकरे यांना वेगळं मत असू शकतं, पण आमची परंपरा आणि श्रद्धा बदलणार नाही.“

नाशिक कुंभ 2027साठी सरकार सज्ज — “गोदावरीची शुद्धता ही आमची प्राथमिकता”

महाजन यांनी सांगितले की, आगामी कुंभमेळ्याच्या पार्श्वभूमीवर सरकार सर्वतोपरी प्रयत्न करत आहे. “गोदावरी स्वच्छ ठेवणे ही आमची जबाबदारी आणि वचनबद्धता आहे.“