Latest News : टाटा समूहाचे प्रसिद्ध उद्योगपती रतन टाटा यांच्या निधनानंतर त्यांच्या उत्तराधिकारी कोण असतील, याबद्दल जोरदार चर्चा सुरु आहे. टाटा समूहाची संपत्ती सुमारे 800 कोटींची असल्याचे मानले जाते. जगभरात विस्तारलेला हा समूह आज १०० हून अधिक देशांमध्ये कार्यरत आहे. सॉफ्टवेअरपासून ऑटोमोबाइलपर्यंत आणि स्टीलपासून पॉवरपर्यंत अनेक क्षेत्रांत टाटा समूहाने स्वत:चा ठसा उमटवला आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
रतन टाटा यांच्या पश्चात, टाटा समूहाच्या प्रमुखपदासाठी कोणती व्यक्ती योग्य असेल, याबद्दल वेगवेगळ्या व्यक्तींची नावे समोर येत आहेत. सध्या टाटा समूहाच्या अध्यक्षपदी नटराजन चंद्रशेखरन कार्यरत आहेत. त्यांनी 2017 पासून समूहाचे नेतृत्व केले आहे. मात्र, टाटा ट्रस्ट आणि समूहाच्या इतर संस्थांचा समन्वय देखील तितकाच महत्त्वाचा आहे.
नोएल टाटा यांचं नाव आघाडीवर
रतन टाटांचे सावत्र भाऊ, नोएल टाटा यांचे नाव उत्तराधिकारी म्हणून आघाडीवर आहे. नवल टाटा आणि सुनी टाटा यांचा एकुलता एक मुलगा असलेले नोएल, सध्या टाटा समूहातील महत्त्वाच्या कंपन्यांमध्ये काम करत आहेत. त्यांनी ट्रेंट लिमिटेड, टाटा इंटरनॅशनल लिमिटेड, आणि टाटा स्टील सारख्या महत्त्वाच्या कंपन्यांमध्ये विविध पदांवर काम केले आहे. त्यांनी ट्रेंट लिमिटेडमध्ये व्यवस्थापकीय संचालक म्हणून कार्य करून कंपनीला आर्थिक दृष्ट्या उत्तम उन्नती मिळवून दिली आहे.
नोएल टाटा हे सध्या सर दोराबजी टाटा ट्रस्ट आणि सर रतन टाटा ट्रस्टचे विश्वस्त देखील आहेत. यामुळे, रतन टाटा यांच्या पश्चात टाटा ट्रस्टच्या अध्यक्षपदासाठी त्यांचे नाव सर्वाधिक चर्चेत आहे.
मेहली मिस्त्री आणि माया टाटा यांची नावे देखील चर्चेत
नोएल टाटा यांच्याशिवाय मेहली मिस्त्री आणि माया टाटा यांची नावे देखील चर्चेत आहेत. मेहली मिस्त्री हे मेहरजी पालजी ग्रुपचे अध्यक्ष असून ते रतन टाटा यांच्या अत्यंत जवळचे मानले जातात. माया टाटा या टाटा परिवारातील युवा नेतृत्व मानले जातात आणि त्यांचे नावदेखील भविष्यातील नेतृत्वासाठी चर्चेत आहे.
टाटा समूहाची पुढील दिशा
टाटा समूहाच्या उत्तराधिकार्यांबद्दल चर्चा चालू असतानाच, टाटा समूहाने भविष्यातील अनेक मोठ्या प्रकल्पांची घोषणा केली आहे. टाटा मोटर्सने 2023-24 मध्ये नवीन वाहने बाजारात आणण्याचे नियोजन केले आहे. समूहाचा एकूण उत्पन्न मार्च 2024 पर्यंत 1665 अब्ज डॉलर्सपर्यंत पोहोचण्याचा अंदाज आहे, तर समूहाचे बाजार भांडवल 365 अब्ज डॉलर्सपर्यंत पोहोचले आहे.
टाटा समूहाचे भविष्यातील नेतृत्व कोणाकडे असेल, याबद्दलची उत्सुकता आणि तर्कवितर्क सुरु आहेत. रतन टाटा यांच्या महान कार्याची आठवण ठेवून समूहाची पुढील पिढी कशी मार्गदर्शन करेल, याकडे संपूर्ण जगाचे लक्ष लागून आहे.
