Latest Nws : आगामी विधानसभा निवडणुकीच्या पार्श्वभूमीवर, पोलिस आयुक्तालयाने हद्दीत चारही मतदारसंघांमध्ये अकरा ठिकाणी तपासणी नाके स्थापन करण्याचा निर्णय घेतला आहे. ही कार्यवाही मंगळवार, २२ ऑक्टोबरपासून लागू होईल. तीन सत्रांत पोलिसांची पथके पहारा देणार असून, प्रत्येक पथकात एक अधिकारी आणि पाच अंमलदारांचा समावेश राहणार आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
पोलिस आयुक्त संदीप कर्णिक यांनी विधानसभा निवडणुकीच्या औचित्यावर कायदा व सुव्यवस्था राखण्यासाठी शहराच्या वेशीवर अकरा ठिकाणी तपासणी नाके स्थापन करण्याच्या सूचना दिल्या आहेत. यासोबतच, विशेष शाखेकडून या नाक्यांचे नियोजन करण्यात आले आहे. गुन्हे शाखेचे सहायक पोलिस आयुक्त संदीप मिटके यांनी सांगितले की, आयुक्तालयाच्या हद्दीत गुन्हेगारी प्रवृत्तीच्या हालचालींवर बारकाईने लक्ष ठेवण्यासाठी ११ भरारी पथके (फ्लाइंग स्क्वॉड) कार्यान्वित करण्यात येणार आहेत.
तपासणी नाक्यांवर संशयास्पद वाहनांना थांबवून तपासणी करण्यात येणार आहे, जेणेकरून निवडणूक प्रक्रियेत कोणत्याही प्रकारच्या गडबडीला आळा घालता येईल. तपासणी नाक्यांची यादी पुढीलप्रमाणे आहे:
मतदारसंघानुसार तपासणी नाक्यांची यादी:
पूर्व मतदारसंघ:
- म्हसरूळ
- आडगाव
- राहू चौफुली
- पेठरोड
- नांदूर नाका
- चौफुली ट्रक टर्मिनल
- महामार्ग
मध्य मतदारसंघ:
- भद्रकाली
- मुंबई नाका
- गुमसुमबाबा चौक
- नानावली
- नागजी चौक सिग्नल
- वडाळारोड
पश्चिम मतदारसंघ:
- गंगापूर
- सोतपूर
- अंबड
- इंदिरानगर
- शिवाजीनगर पोलिस चौकी
- पिंपळगाव
- बहुला
- त्र्यंबकरोड
- विल्होळी नाका
- महामार्ग
- वडनेर-पाथर्डीरोड
देवळाली मतदारसंघ:
- ना. रोड
- दे. कॅम्प
- शिंदेगाव
- टोल नाका
- भगूर नाका-२
