Vinod Kambli : विनोद कांबळी आर्थिक संकटात: घर गमावण्याची वेळ?

विनोद कांबळीच्या Vinod Kambli आयुष्यात नवा संघर्ष: घर गमावण्याची शक्यता

मुंबई: भारतीय क्रिकेटचा एकेकाळचा तारा विनोद कांबळी Vinod Kambli सध्या कठीण परिस्थितीला सामोरा जात आहे. नुकतेच तब्येत सुधारल्यानंतर हॉस्पिटलमधून घरी परतलेल्या विनोदसमोर आता आर्थिक संकट गडद होत आहे. त्याचे वांद्रे येथील घर गमावण्याची वेळ येऊ शकते, अशी माहिती समोर आली आहे.

घराचा मेंटेनन्स न भरल्यामुळे संकट

विनोद कांबळी Vinod Kambli सध्या बीसीसीआयकडून मिळणाऱ्या ३० हजार रुपयांच्या पेन्शनवरच अवलंबून आहे. त्याच्यावर मुलांच्या शिक्षणाचा खर्च आणि उपचारांचा ताण असताना, आता घराचा मेंटेनन्स न भरल्यामुळे मोठे संकट उभे ठाकले आहे. कांबळीने या घरासाठी कर्ज घेतले होते, जे त्याने पूर्ण फेडले होते. परंतु, घराच्या देखभालीसाठी आवश्यक असलेला मेंटेनन्स १८ लाख रुपये बाकी असल्याचे समजते.

पत्नीचा खुलासा आणि सरकारी मदत

काही दिवसांपूर्वी घरभाड्याबाबत २८ लाख रुपये थकले असल्याची चर्चा होती. मात्र, पत्नी अँड्रीया कांबळी हिने खुलासा केला की, १८ लाख रुपये थकलेले आहेत. उपमुख्यमंत्री एकनाथ शिंदे यांनी कांबळीला पाच लाख रुपयांची मदत दिली होती. तरीही, उर्वरित १३ लाख रुपये वेळेत न भरल्यास घर गमावण्याचा धोका असल्याचे समोर आले आहे.

हॉस्पिटलमधून घरी परतल्यानंतर नवा झटका

अलीकडेच ठाण्यातील आकृती हॉस्पिटलमध्ये विनोद कांबळींवर उपचार झाले. तेव्हा त्यांची तब्येत अत्यंत खालावलेली होती. मात्र, उपचारांनंतर ते सावरले आणि घरी परतले. परंतु, घरी परतल्यानंतर समोर आलेल्या या नवीन संकटामुळे त्यांच्या आयुष्याचा संघर्ष अधिक गडद झाला आहे.

मदतीची अपेक्षा

क्रिकेटच्या मैदानावर चमकदार कामगिरी करणाऱ्या विनोद कांबळीला सध्याच्या आर्थिक अडचणीतून बाहेर काढण्यासाठी मदतीची अपेक्षा आहे. कधी काळी भारताच्या क्रिकेट संघातील महत्वाचा खेळाडू राहिलेल्या कांबळीच्या कठीण परिस्थितीने क्रीडा प्रेमींना हळहळ वाटत आहे.