Mumbai: मुंबईहून एलिफंटाकडे जाणाऱ्या नीलकमल प्रवासी बोटीला बुधवारी सायंकाळी मोठी दुर्घटना घडली. गेटवे ऑफ इंडियाजवळ झालेल्या अपघातात १३ जणांचा मृत्यू झाला असून यामध्ये तीन नौदल कर्मचाऱ्यांचाही समावेश आहे. मुख्यमंत्री देवेंद्र फडणवीस यांनी जाहीर केले की मृतांच्या कुटुंबीयांना पाच लाख रुपयांची मदत देण्यात येईल.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
दुर्घटनेची माहिती
नीलकमल नावाची बोट १०० हून अधिक प्रवाशांसह एलिफंटाकडे जात असताना एका स्पीडबोटने तीला जोरदार धडक दिली. या टक्करमुळे बोटीला नुकसान झालं, आणि ती बुडू लागली. नौदलाने तातडीने बचावकार्य राबवत १०१ प्रवाशांना वाचवलं.
बचावकार्यात सामील यंत्रणा
४ नौदल हेलिकॉप्टर
११ नौदल क्राफ्ट
१ तटरक्षक दलाची नौका
३ सागरी पोलीस नौका
मुख्यमंत्री देवेंद्र फडणवीस यांची प्रतिक्रिया
मुख्यमंत्री देवेंद्र फडणवीस यांनी ही घटना दुर्दैवी असल्याचं सांगितलं. त्यांनी मृतांना श्रद्धांजली वाहिली आणि गंभीर जखमींना नौदल रुग्णालयात दाखल केल्याचंही नमूद केलं. अपघाताची चौकशी नौदल व राज्य सरकारच्या माध्यमातून केली जाईल, असंही त्यांनी स्पष्ट केलं.
प्रत्यक्षदर्शीचा अनुभव
एका प्रवाशाने सांगितलं, “स्पीडबोट भरधाव वेगाने येऊन आमच्या बोटीला धडकली. धडकेत बोटीत पाणी शिरलं आणि ती बुडू लागली. स्पीडबोटमधील काही प्रवाशांचा मृत्यू झाला आणि काही गंभीर जखमी झाले.”
ही घटना समुद्रातील प्रवासी सुरक्षेबाबतच्या प्रश्नांकडे लक्ष वेधते. प्रशासनाकडून या घटनेनंतर प्रवासी सुरक्षेचे उपाय राबवण्याची अपेक्षा आहे.
He Pan Wacha : Kurla Bus Accident : भरधास बेस्ट बसने अनेकांना चिरडलं; 20 जण जखमी, 3 मृत्यू
