डोनाल्ड ट्रम्पच्या टॅरिफ धोरणाचा जागतिक बाजारावर परिणाम
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
RBI : अमेरिकेचे राष्ट्राध्यक्ष डोनाल्ड ट्रम्प यांनी रेसिप्रोकल टॅरिफ धोरणाची आक्रमक अंमलबजावणी सुरु केल्यानंतर जागतिक भांडवली बाजारात मोठी खळबळ उडाली आहे. भारतातही याचा परिणाम दिसून आला असून शेअर बाजारात जोरदार घसरण झाली. याच पार्श्वभूमीवर रिझर्व्ह बँकेने एक महत्त्वाचा निर्णय घेतला आहे.
RBI रेपो रेटमध्ये कपात, 6% वर स्थिरावला दर
रिझर्व्ह बँकेच्या द्वैमासिक पतधोरण समितीच्या बैठकीत रेपो रेटमध्ये 25 बेसिस पॉईंट्सची कपात करत तो 6 टक्क्यांवर आणण्यात आला आहे. आरबीआयचे गव्हर्नर संजय मल्होत्रा यांनी याबाबतची अधिकृत घोषणा केली.
RBI महागाई दरात घट, निर्णयास कारणीभूत
फेब्रुवारी महिन्यात महागाई दर 3.61 टक्क्यांवर घसरला आहे, जो जानेवारीत 4.26 टक्के होता. या घटत्या महागाई दरामुळे रेपो रेट कपात होण्याची शक्यता व्यक्त केली जात होती, जी अखेर खरी ठरली.
गृहकर्जदारांसाठी आनंदाची बातमी
रेपो रेट कपात म्हणजे स्वस्त कर्ज
रेपो रेट कमी झाल्यामुळे बँकांकडून दिल्या जाणाऱ्या गृह कर्ज, वाहन कर्ज आणि वैयक्तिक कर्जांच्या व्याजदरात कपात होण्याची शक्यता वाढली आहे. विशेषतः 1 ऑक्टोबर 2019 नंतर फ्लोटिंग व्याजदरावर कर्ज घेतलेल्या ग्राहकांना याचा थेट लाभ मिळणार आहे.
नवे कर्ज घेणाऱ्यांसाठी सुवर्णसंधी
ज्यांना नवीन घर घेण्याची योजना आहे त्यांच्यासाठी ही मोठी संधी ठरू शकते. जानेवारी ते एप्रिल दरम्यान अनेक बँकांनी त्यांच्या व्याजदरात 5-25 बेसिस पॉईंट्सची कपात केली असून, यामुळे कर्ज हप्त्यांवरील आर्थिक भार कमी होण्याची शक्यता आहे.
शेअर बाजारात सकारात्मक संकेत
सेन्सेक्स-निफ्टीला चालना
ट्रम्प यांच्या टॅरिफ धोरणामुळे सोमवारी सेन्सेक्स 2300 अंकांनी आणि निफ्टी 800 अंकांनी कोसळले होते. मात्र, आरबीआयच्या या निर्णयामुळे बाजारात पुन्हा स्थिरता येण्याची चिन्हं आहेत. गुंतवणूकदारांचा आत्मविश्वास परत येण्यास मदत होणार आहे.
