मुंबई: आगामी विधानसभा निवडणुकीच्या पार्श्वभूमीवर महाविकास आघाडीतील तीन प्रमुख पक्षांमध्ये जागावाटपाच्या मुद्द्यावर चर्चा अंतिम टप्प्यात पोहोचली आहे. शिवसेना (उद्धव बाळासाहेब ठाकरे) पक्षाचे खासदार संजय राऊत यांनी मंगळवारी महत्त्वाची घोषणा करत 270 जागांवर एकमत झाल्याचे सांगितले. उर्वरित 18 जागांसाठी चर्चा सुरू असल्याचेही त्यांनी स्पष्ट केले.”महाविकास आघाडीत 85-85-85 अशा पद्धतीने जागांचे वाटप निश्चित करण्यात आले आहे,” असे राऊत यांनी सांगितले. या जागावाटपामुळे तीन पक्षांमध्ये समतोल राखण्याचा प्रयत्न करण्यात आला आहे. उर्वरित 18 जागांबाबत चर्चेचा टप्पा अद्याप बाकी असून, लवकरच त्यावर अंतिम निर्णय घेण्यात येईल, असेही राऊत यांनी नमूद केले.”महाविकास आघाडीत दरार नाही”जागावाटपाच्या चर्चेवेळी महाविकास आघाडीत दरार असल्याच्या अफवा पसरत होत्या. मात्र, या सर्व चर्चांना फेटाळून लावत राऊत म्हणाले, “महाविकास आघाडीत कोणत्याही प्रकारचा दरार नाही. तीनही पक्षांमध्ये एकत्र काम करण्याची तयारी आहे आणि आगामी निवडणुकीत आम्ही एकत्रितपणे लढणार आहोत.” त्यांनी या वक्तव्यातून आघाडीतील एकात्मतेवर भर दिला.निवडणूक तयारीत वेग270 जागांवर एकमत झाल्यामुळे महाविकास आघाडीच्या निवडणूक तयारीला वेग आला आहे. भाजप आणि शिंदे गटाच्या विरोधात लढण्यासाठी आघाडीने जोर लावला आहे. उर्वरित जागांबाबतही लवकरच तोडगा निघेल अशी अपेक्षा आहे.महाविकास आघाडीने एकत्रितपणे येणाऱ्या निवडणुका लढवण्याचे ठरवले असल्यामुळे महाराष्ट्राच्या राजकारणात एक नवी दिशा निर्माण होण्याची चिन्हे आहेत.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
