शिखरेवाडीत दहशत: भरदिवसा चोरांचा सुळसुळाट
नाशिकरोडच्या शिखरेवाडी परिसरात चोरट्यांनी भरदिवसा धाडसी घरफोडी (Daylight Robbery)करून तब्बल १६.५ लाख रुपये किमतीचे २८ तोळे सोन्याचे दागिने लंपास केले. या चोरीमुळे परिसरात भीतीचे वातावरण पसरले आहे. विशेष म्हणजे चोरीच्या घटनेचे सीसीटीव्ही फुटेज पोलिसांच्या हाती लागले आहे. याप्रकरणी उपनगर पोलिस ठाण्यात गुन्हा दाखल करण्यात आला आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
शिवसेनेच्या माजी नगरसेवकाच्या घरावर चोरट्यांचा डाव(Daylight Robbery)
प्रकाशनगर अंगण छाया सोसायटीमध्ये राहणारे शिवसेनेचे माजी स्वीकृत नगरसेवक सुनील बाबुराव गोडसे यांच्या बंद फ्लॅटचा कडीकोयंडा तोडून चोरट्यांनी आत प्रवेश केला. घरातील सामान उधळपट्टी करून कपाटातील मौल्यवान दागिने चोरीला गेले. गोडसे कुटुंब धार्मिक कार्यक्रमासाठी बाहेर गेले असताना ही घटना घडली.
Daylight Robbery : चोरीला गेलेल्या दागिन्यांची यादी
चोरट्यांनी खालील दागिने लंपास केले:
- साडेतीन तोळ्याचा नेकलेस
- तीन तोळ्याची सोन्याची पोत
- १५ तोळ्याचे वेढे आणि बिस्किट
- दोन तोळ्याचे ब्रेसलेट
- दीड तोळ्याचे चार कडे
- २२ ग्रॅम वजनाच्या दोन सोन्याच्या चेन
- कर्णफुले आणि दोन अंगठ्या
एकूण १६ लाख ५० हजार रुपये किमतीचे हे दागिने चोरट्यांनी पळवले.
मुलाच्या लक्षात आली चोरी
गोडसे यांचा मुलगा ओमकार हा कॉलेजला गेला होता. दुपारी परत आल्यावर त्याला फ्लॅटच्या दरवाजाचा कडीकोयंडा तुटलेला दिसला. घरात प्रवेश करताच सर्व सामान अस्ताव्यस्त पडलेले आढळले. तातडीने वडिलांना याची माहिती देण्यात आली. पोलिसांनी घटनास्थळी धाव घेऊन तपास सुरू केला आहे.
सीसीटीव्हीमध्ये दुचाकीस्वार चोरटे कैद
या घरफोडीचे चोरटे सीसीटीव्ही कॅमेऱ्यात कैद झाले असून ते दुचाकीवरून फरार झाल्याचे स्पष्ट झाले आहे. पोलिस आता या फुटेजच्या आधारे तपास करत आहेत. चोरीच्या या घटनेने संपूर्ण परिसरात भीतीचे वातावरण निर्माण झाले आहे.
पोलिस तपास सुरू
उपनगर पोलिसांनी अज्ञात चोरट्यांविरोधात गुन्हा दाखल केला असून, पुढील तपास सुरू आहे. नाशिकमध्ये सतत घडणाऱ्या घरफोडीच्या घटनांमुळे नागरिकांमध्ये असुरक्षिततेची भावना वाढत आहे. पोलिस प्रशासनाने अधिक सतर्क राहून अशा गुन्हेगारांवर कारवाई करण्याची गरज आहे.
