Latest News : इगतपुरी मतदारसंघातील राजकीय समीकरणे मोठ्या उलथापालथीच्या दिशेने जात असल्याचे दिसत आहे. आमदार हिरामण खोसकर यांनी काँग्रेस पक्ष सोडून राष्ट्रवादी काँग्रेसमध्ये प्रवेश केल्यामुळे या मतदारसंघात राजकीय संघर्ष उभा राहिला आहे. विशेष म्हणजे, माजी आमदार निर्मला गावित, ज्या सध्या उद्धव ठाकरे गटात आहेत, त्यांनी काँग्रेसमध्ये घरवापसीची तयारी सुरु केली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
इगतपुरीची जागा महाविकास आघाडीमध्ये काँग्रेसला मिळण्याची शक्यता वर्तवली जात आहे. अशा परिस्थितीत निर्मला गावित यांची घरवापसी झाल्यास, २०१९ च्या विधानसभा निवडणुकीची पुनरावृत्ती होण्याची शक्यता आहे, जिथे गावित व खोसकर यांच्यातील संघर्षाने निवडणुकीत जोर धरला होता. या राजकीय हालचालींमुळे इगतपुरी मतदारसंघाची राजकीय दिशा आगामी निवडणुकीत कशी बदलते, हे पाहणे महत्त्वाचे ठरणार आहे.
