इलेक्ट्रिक वाहन खरेदीत नाशिकचा राज्यात तिसरा क्रमांक | RTO नोंदीत विक्रमी वाढ
नाशिक | Nashik EV Vehicle Growth:
इंधन दरवाढ, पर्यावरणपूरक पर्याय आणि तांत्रिक सुविधांनी सज्ज असलेल्या इलेक्ट्रिक (EV) वाहनांना नाशिकमध्ये मोठी मागणी मिळत आहे. सन २०२१ ते जून २०२५ या कालावधीत नाशिक जिल्ह्यात ३३,२०० इलेक्ट्रिक वाहनांची नोंदणी झाली असून, यामध्ये दुचाकी व मोपेड्सचा सर्वाधिक वाटा आहे.
याच काळात पेट्रोल, डिझेल, सीएनजी व वीजेवर चालणाऱ्या एकूण ४,६७,७२८ नव्या वाहनांची नोंद नाशिक प्रादेशिक परिवहन कार्यालयात (RTO) झाली आहे. या वाढत्या आकड्यांमुळे नाशिकचा झपाट्याने शहरीकरणाकडे वाटचाल सुरू आहे.
राज्यस्तरीय EV आकडेवारीत नाशिकचा तिसरा क्रमांक
- राज्यात ५.७३ लाख EV वाहने (२०२१ ते जून २०२५)
- पुणे व पिंपरी-चिंचवड नंतर नाशिकचा क्रमांक
- EV धोरणासाठी राज्य शासनाकडून १,९९३ कोटींची तरतूद
- ग्राहकांसाठी सबसिडी, सवलती उपलब्ध
वाहन खरेदीचा ट्रेंड का वाढतोय?
- स्मार्ट सिटी प्रकल्प, वाढते औद्योगीकरण आणि दळणवळणासाठीचा स्वयंपूर्ण पर्याय
- सार्वजनिक वाहतुकीची मर्यादा आणि अनियमितता
- कर्ज सुलभ उपलब्धतेमुळे खाजगी वाहन खरेदी सुलभ
- राष्ट्रीय महामार्गांशी जोडणी, शहरांमधील प्रवासात वाढ
नाशिक RTO ला ३४० कोटींचा महसूल
जनवरी २०२२ ते फेब्रुवारी २०२४ या कालावधीतच २.१९ लाख वाहनांची नोंद, म्हणजे सरासरी दररोज २७८ नवीन वाहन खरेदी झाली. त्यामुळे RTO विभागाला ३४० कोटींपेक्षा अधिकचा महसूल प्राप्त झाला आहे.
नाशिकमधील वाहन नोंदणीचे आकडे (सतरा लाखांहून अधिक):
| वाहनप्रकार | संख्या |
|---|---|
| दुचाकी | १२,९६,१७८ |
| स्कूटर | २,३२,५१९ |
| मोपेड | ६७,२९१ |
| कार | २,८६,६८५ |
| जीप | ३०,५१६ |
| रिक्षा | ३२,३९० |
| कॅब | ५,७४८ |
| स्कूल बसेस | २,६५६ |
| रुग्णवाहिका | ९१६ |
| ट्रक | ३६,५९० |
| डिलिव्हरी व्हॅन (4W) | ४८,७१० |
| डिलिव्हरी व्हॅन (3W) | १,६६४ |
टीप: काही वाहनं स्क्रॅप अवस्थेत आहेत.
वाहतूक व्यवस्थेवर ताण (Nashik EV Vehicle Growth)
वाढत्या खाजगी वाहन संख्येमुळे नाशिकच्या रस्त्यांवरील वाहतूक व्यवस्थेवर प्रचंड दबाव निर्माण झाला आहे. त्यामुळे शहरात वाहतूक नियोजन व पार्किंगसाठी स्वतंत्र धोरणाची गरज प्रकर्षाने जाणवू लागली आहे.
