इंदिरानगर पोलिस ठाण्याच्या हद्दीतील पाथर्डी फाटा येथे एका व्यावसायिकाला तब्बल नऊ दिवस डांबून ठेवत खंडणी मागितल्याची खळबळजनक घटना उघड झाली आहे. व्यवसायासाठी घेतलेल्या ५० लाख रुपयांच्या परतफेडीवरून हा गुन्हा घडला असून, तिघांना पोलिसांनी अटक केली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
प्रकरणाचा घटनाक्रम
सिन्नर फाटा येथील रहिवासी आणि शेअर ट्रेडिंग व्यवसायिक गणेश काळे (वय ३५) यांनी २०२१ पासून कांतीलाल वामजा आणि त्यांचा मुलगा मिहीर वामजासोबत व्यावसायिक संबंध ठेवले होते. वामजा पिता-पुत्रांनी काळे यांना व्यवसायात भागीदार होण्याची मागणी केली होती. परंतु व्यवसायासाठी दिलेल्या ५० लाख रुपयांची परतफेड होत नसल्यामुळे वामजा यांनी रागाच्या भरात काळे यांचे अपहरण Kidnapping करण्याचा कट रचला.
Kidnapping सुपारी देऊन नऊ दिवस डांबून ठेवले
मंगळवारी (दि. १९) वामजा यांनी काळे यांना २५ लाख रुपये देण्यासाठी त्यांच्या गौळाणे रोडवरील साइटवर बोलावले. काळे तिथे पोहोचल्यावर वामजा आणि त्यांच्यासोबत असलेल्या आकाश वानखेडे व इतरांनी काळे यांना घेरून मारहाण केली. त्यांचा मोबाइल हिसकावून घेत एका बंद गाळ्यात डांबले. त्यांना वेळोवेळी मारहाण करत पैसे परत करण्यासाठी धमक्या दिल्या.
दुसऱ्या दिवशी सकाळी कांतीलाल वामजा आणि मिहीर वामजाने काळे यांना एक किलोमीटर दूर नेले आणि त्यांना मित्र व नातेवाईकांकडून पैसे मागवण्यास सांगितले. काळे यांनी त्यांच्या मित्राला अर्जंट २० हजार रुपये फोन पेवर पाठवण्याची विनंती केली. या पैशांचा तात्पुरता तगादा मिटवण्यासाठी वापर केला गेला.
पोलिसांच्या तातडीने कारवाईमुळे सुटका
काळे यांचा मित्र केतन सोनवणे यांनी काळे यांचा पत्ता लागेनासे झाल्यामुळे इंदिरानगर पोलिस ठाण्यात तक्रार दिली. पोलिस उपनिरीक्षक संतोष फुंदे आणि त्यांच्या पथकाने तपास करून काळे यांना एका इमारतीतून सुरक्षितपणे सोडवले. या ठिकाणी पोलिसांनी संशयित विनायक जाधव, उमेश सरवर, आणि मुकेश शिंदे यांना अटक केली.
खंडणीसाठी धमक्या आणि सुपारीचा कट
अटक केलेल्या आरोपींनी काळे यांना मारण्याची सुपारी घेतल्याचे तपासात उघड झाले आहे. वामजा पिता-पुत्रांनी काळे यांना वेळोवेळी धमक्या देत “पैसे दिले नाहीस, तर तुझा गेम करू” असे बजावले.
व्यावसायिक वादातून अपहरण Kidnapping
संबंधित प्रकरण हे व्यावसायिक वादातून घडले असल्याचे निष्पन्न झाले आहे. वामजा पिता-पुत्रांनी व्यवसायातील तोट्याची भरपाई म्हणून काळे यांच्याकडून पैसे मागितले. मात्र, व्यवसायिक संबंध ताणले गेल्याने परिस्थिती हिंसक झाली.
गुन्हा दाखल आणि पुढील तपास सुरू
इंदिरानगर पोलिस ठाण्यात कांतीलाल वामजा, मिहीर वामजा, विनायक जाधव, उमेश सरवर, आणि मुकेश शिंदे यांच्याविरुद्ध गुन्हा दाखल करण्यात आला आहे. वरिष्ठ पोलिस निरीक्षक रामदास शेळके यांच्या मार्गदर्शनाखाली तपास सुरू आहे.
पोलिसांचे अपील
व्यावसायिक वादातून गुन्हे घडू नयेत यासाठी पोलिसांनी नागरीकांना कोणत्याही समस्येचे कायदेशीर समाधान शोधण्याचे आवाहन केले आहे.
