नाशिक: राज ठाकरे पुन्हा मैदानात, मनसेला पुन्हा उभारी देण्याचा प्रयत्न!
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
महाराष्ट्र नवनिर्माण सेनेचे अध्यक्ष राज ठाकरे उद्या (दि. २३) नाशिक दौऱ्यावर येत आहेत. आगामी महापालिका निवडणुकीसाठी रणनीती तयार करत, पक्षातील गटबाजी संपवण्याचा प्रयत्न करणार.
नाशिक: महाराष्ट्र नवनिर्माण सेनेचे अध्यक्ष राज ठाकरे Raj Thackeray विधानसभा निवडणुकीनंतर प्रथमच उद्या (दि. २३) नाशिक दौऱ्यावर येत आहेत. तीन दिवसांच्या या दौऱ्यात ते कार्यकर्त्यांशी संवाद साधून आगामी महापालिका निवडणुकीसाठी रणनिती आखणार आहेत.
नाशिक, जो कधीकाळी मनसेचा बालेकिल्ला म्हणून ओळखला जायचा, तिथे पुन्हा पक्षाला उभारी देण्याचे मोठे आव्हान ठाकरे यांच्यासमोर आहे. २०१२ च्या महापालिका निवडणुकीत मनसेने तब्बल ४० नगरसेवक निवडून आणत महापौरपदावर झळाळी मिळवली होती. मात्र, अंतर्गत गटबाजी व कार्यकर्त्यांतील नाराजीमुळे पक्षाची ताकद नाशिकमध्ये खालावत गेली.
कार्यकर्त्यांमध्ये नवचैतन्य:
राज ठाकरे Raj Thackeray यांच्या या दौऱ्यामुळे मनसेच्या स्थानिक कार्यकर्त्यांमध्ये उत्साहाचे वातावरण आहे. पक्षातील अंतर्गत गटबाजी दूर करून आगामी महापालिका, जिल्हा परिषद व पंचायत समिती निवडणुकांसाठी मनसे पुन्हा उभारी घेईल, अशी अपेक्षा व्यक्त होत आहे.
दौऱ्याचा उद्देश:
या तीन दिवसीय दौऱ्यात ठाकरे कार्यकर्त्यांशी संवाद साधत, त्यांचे प्रश्न ऐकून घेत नवीन रणनीती आखतील. महापालिकेतील भक्कम उपस्थिती पुन्हा प्रस्थापित करण्यासाठी ते पक्षात अनुशासन व एकजूट आणण्यावर भर देतील.
गटबाजीला पूर्णविराम देणार?
२०१२ ते २०१७ या कालखंडात मनसेचा महापौर असलेल्या नाशिकमध्ये पक्षाने सुवर्णकाळ पाहिला. मात्र, त्यानंतरच्या काळात गटबाजीमुळे पक्षाचे अस्तित्व धोक्यात आले. राज ठाकरे Raj Thackeray या दौऱ्यात ही गटबाजी संपवून कार्यकर्त्यांमध्ये नवसंजीवनी आणतील का, याकडे सगळ्यांचे लक्ष लागले आहे.
यंदा नाशिकमध्ये पुन्हा मनसेचा झेंडा फडकवण्याचा निर्धार ठाकरे यांच्या दौऱ्यात दिसून येणार असल्याचे संकेत पक्षातील वरिष्ठ पदाधिकाऱ्यांनी दिले आहेत.
He Pan Wacha :“कर्तृत्वाचा निर्लेप योगी: रतन टाटा यांचे निःशब्द निरोप” राज ठाकरे
