Municipal Election 2025 | नाशिकसह नऊ महापालिकांमध्ये चार सदस्यीय प्रभाग रचना कायम | 122 नगरसेवकांची संख्या पूर्ववत

नाशिक (महापालिका निवडणूक 2025) – सर्वोच्च न्यायालयाच्या आदेशानंतर राज्य शासनाच्या नगरविकास विभागाने महत्त्वाचा निर्णय घेतला आहे. महाविकास आघाडी सरकारने केलेली तीन सदस्यीय प्रभागरचना रद्द करत, सन 2022 मध्ये निश्चित झालेली चार सदस्यीय प्रभागरचना पुन्हा लागू करण्यात आली आहे. (Municipal Election 2025)

यामुळे नाशिकसह पुणे, नागपूर, ठाणे, पिंपरी-चिंचवड, नवी मुंबई, वसई-विरार, छत्रपती संभाजीनगर आणि कल्याण-डोंबिवली या नऊ महापालिकांमध्ये चार सदस्यीय प्रारुप रचना लागू होणार आहे. लोकसंख्येत वाढ न झाल्यामुळे नाशिक महापालिकेची नगरसेवकांची संख्या 122 वरच कायम राहणार आहे.

महत्त्वाचे मुद्दे :

• सर्वोच्च न्यायालयाच्या आदेशानुसार राज्य निवडणूक आयोगाने चार महिन्यांत महापालिका निवडणुका घेण्याचे आदेश दिले.
• त्यानंतर नगरविकास विभागाने 10 जून रोजी नव्या आदेशात 2022 च्या प्रभागरचनेला मान्यता दिली.
• त्यामुळे आता नाशिकसह इतर महापालिकांमध्ये 4 सदस्यीय प्रभाग रचना अंमलात येणार आहे.
• नवीन आरक्षण सोडत लवकरच जाहीर होणार असून, त्यामुळे राजकीय समीकरणेही बदलण्याची शक्यता आहे.

नाशिक महापालिकेतील प्रभागरचना (2025 मध्ये लागू होणारी स्थिती):

एकूण नगरसेवक: 122

एकूण प्रभाग: 31 (4 सदस्यीय – 29, 3 सदस्यीय – 2)

प्रस्तावित रचना: 2017 प्रमाणेच (म्हणजे 2022 च्या आदेशाला मान्यता)

पार्श्वभूमी: सदस्यसंख्या वाद व घडामोडी

महाविकास आघाडी सरकारने 2021 मध्ये लोकसंख्या वाढ गृहीत धरून सदस्यसंख्या वाढवून 133 करण्याचा निर्णय घेतला होता. त्या आधारे 36 प्रभागांची नवीन रचना सुचवली होती. मात्र महायुती सरकारने 2022 मध्ये यामध्ये बदल करत, 2017 प्रमाणे 122 नगरसेवक व 31 प्रभागांची रचना लागू करण्याचा निर्णय घेतला होता, ज्याला आता अधिकृत मान्यता मिळाली आहे.

2017 नाशिक मनपा निवडणूक निकाल – पक्षनिहाय स्थिती:

चार सदस्यीय प्रभागरचना लागू होणाऱ्या महापालिका:

नाशिक महानगरपालिका

पुणे महानगरपालिका

नागपूर महानगरपालिका

ठाणे महानगरपालिका

पिंपरी-चिंचवड महानगरपालिका

नवी मुंबई महानगरपालिका

वसई-विरार महानगरपालिका

छत्रपती संभाजीनगर महानगरपालिका

कल्याण-डोंबिवली महानगरपालिका