Nashik (Nashik Cyber Crime News)| नाशिकमध्ये आरटीओ ट्रॅफिक चालानची बनावट लिंक पाठवून तब्बल ६ लाख ९० हजार रुपयांचा गंडा घालण्यात आल्याची धक्कादायक घटना समोर आली आहे. ही फसवणूक ऑनलाइन पेमेंटच्या खोट्या लिंकद्वारे करण्यात आली असून सायबर पोलिसांनी तपास सुरू केला आहे.
नवीन कार मालकाला बनावट एसएमएस
- नवी कार घेतलेल्या व्यक्तीला आरटीओकडून दंडाचे ऑनलाइन चलन भरण्याचा एसएमएस आला.
- त्या मेसेजमध्ये पेमेंटसाठी ऑनलाइन लिंक देण्यात आली होती.
- लिंक उघडताच कारवर ₹500 दंड झाल्याचा संदेश दिसला.
बँक तपशील भरल्यानंतर मोठी फसवणूक
- गाडी नवीन असल्याने संबंधित व्यक्तीने बँकेची माहिती टाकली.
- फसवणूक लक्षात आल्यानंतर लिंक आणि अॅप मोबाइलवरून काढून टाकण्यात आले.
- मात्र दुसऱ्या दिवशी त्यांच्या मुलाच्या बँक खात्यातून ₹5.90 लाख आणि इतर खात्यातून उर्वरित रक्कम UPI व बँक ट्रान्सफरद्वारे काढून घेण्यात आली.
गुन्हा नोंद व तपास (Nashik Cyber Crime News)
- हा प्रकार सायबर पोलीस स्टेशन, गुन्हा रजिस्टर क्रमांक: 65/2025 मध्ये नोंदवला गेला आहे.
- वरिष्ठ निरीक्षक सुभाष ढवळे यांच्याकडे पुढील तपास सुरू आहे.
