नाशिक : Nashik News सिन्नर निफाड रस्त्यावरील (Sinnar-Niphad Road) कुटे मळ्याजवळ आज सकाळी एक आयशर वाहन अचानक लागलेल्या भीषण आगीत पूर्णतः जळून खाक झाले. सुदैवाने वाहनचालकाने प्रसंगावधान राखत उडी घेतल्यामुळे जीवितहानी टळली.
अपघाताची ठिकाण व वेळ (Nashik News)
- घटनास्थळ : कुटे मळा, कानडी मळ्याच्या पुढे – सिन्नर-निफाड मार्ग
- वेळ : सकाळी ६ वाजताच्या सुमारास
- वाहन : राजस्थानहून संगमनेरकडे खारी, टोस्ट घेऊन जाणारा आयशर ट्रक
कशामुळे लागली आग?
या घटनेची नेमकी कारणमीमांसा अद्याप झालेली नसली, तरी प्राथमिक अंदाजानुसार वाहनाच्या इंजिनमधून शॉर्टसर्किटमुळे आग लागल्याची शक्यता वर्तवली जात आहे. काही नागरिकांना सकाळी फिरताना ट्रकमधून धूर निघताना दिसल्याने त्यांनी तात्काळ नगर परिषदेला व अग्निशमन दलाला माहिती दिली.
बचावकार्याची धावपळ
- माजी नगरसेवक हर्षद देशमुख यांच्यासह स्थानिक नागरिकांनी तात्काळ नगरपालिकेच्या अग्निशामक दलाशी संपर्क साधला.
- नगरपरिषदेचा बंब घटनास्थळी दाखल झाला. परंतु आग आटोक्यात न आल्याने एमआयडीसी अग्निशमन यंत्रणेची मदत घेण्यात आली.
- सुमारे दीड ते दोन तासांच्या अथक प्रयत्नांनंतर आग नियंत्रणात आणण्यात आली.
पूर्णपणे खाक झालेला माल
या आगीत केवळ आयशर ट्रकच नाही, तर त्यामध्ये असलेला संपूर्ण माल – खारी व टोस्टच्या पेट्या – देखील जळून खाक झाल्या. वाहनाचा आर्थिक नुकसान अंदाज लाखो रुपयांमध्ये आहे.
