नाशिक (Nashik Political Update 2025) – Nashik Politics राज्याचे कृषीमंत्री आणि राष्ट्रवादी काँग्रेस (अजित पवार गट) नेते अ‍ॅड. माणिकराव कोकाटे यांचे बंधू भारत कोकाटे लवकरच शिवसेना (शिंदे गट) प्रवेश करणार असल्याची माहिती आहे. उपमुख्यमंत्री एकनाथ शिंदे यांच्या उपस्थितीत त्यांचा पक्षप्रवेश होणार असल्याचे संकेत मिळत आहेत.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
Nashik Politics – कोकाटे बंधूंमधील राजकीय दरी वाढली
भारत कोकाटे आणि त्यांचे बंधू मंत्री माणिकराव कोकाटे यांच्यात मागील काही काळापासून ग्रामपंचायत व सोसायटी निवडणुकीतील मतभेद चव्हाट्यावर आले होते. २०२२ मध्ये भारत कोकाटे यांनी शिवसेना (उबाठा गट) जॉइन केला आणि त्या निवडणुकांतही आमदार बंधूंविरोधात यश मिळवलं.
राजकीय बदलाची पार्श्वभूमी
- मजूर संघ निवडणुकीत एक मताने विजय
- लोकसभा-विधानसभा निवडणुकीत महाविकास आघाडीला पाठिंबा
- सत्तांतरानंतर कामांमध्ये येणाऱ्या अडचणी
- आगामी जिल्हा परिषद निवडणुकीसाठी राजकीय गणिते बदलली
याच पार्श्वभूमीवर शिवसेना शिंदे गटात प्रवेशाचा निर्णय भारत कोकाटे यांनी घेतल्याची माहिती राजकीय वर्तुळात चर्चिली जात आहे.
भारत कोकाटे म्हणाले:
“राज्यात उपमुख्यमंत्री एकनाथ शिंदे यांनी विविध विकासकामांतून प्रगतीला चालना दिली आहे. त्यांच्यासोबत काम करण्याची संधी मिळाल्यास आनंदच होईल. मी लवकरच शिवसेनेत (शिंदे गट) प्रवेश करणार आहे.”
देवपूर ZP Election 2025: ‘काका-पुतणी’मध्ये थेट सामना?
भारत कोकाटे हे देवपूर (सिन्नर) जिल्हा परिषद गटातून उमेदवारीस इच्छुक आहेत. याच गटातून २०१७ मध्ये मंत्री कोकाटे यांची कन्या सिमंतिनी कोकाटे विजयी झाल्या होत्या. यंदाच्या निवडणुकीत खुल्या प्रवर्गाचे आरक्षण लागल्यास, भारत कोकाटे व सिमंतिनी कोकाटे या ‘काका-पुतणी’मध्ये थेट राजकीय लढत होण्याची शक्यता वर्तवली जात आहे.
