लिलावासाठी ऑनलाईन नोंदणी सुरू | 16 ते 20 जून दरम्यान eAuction पोर्टलवर नावनोंदणी आवश्यक
नाशिक : Nashik RTO नाशिक प्रादेशिक परिवहन कार्यालय (RTO Nashik) तर्फे जप्त केलेल्या विविध प्रवासी व मालवाहू वाहनांचा ई-लिलाव येत्या 25 जून 2024 रोजी सकाळी 10 वाजता होणार आहे. ई-लिलावात एकूण 6 जप्त वाहने विक्रीसाठी उपलब्ध असणार आहेत. यात ऑटोरिक्षा, टॅक्सी, बस व मालवाहू वाहने यांचा समावेश आहे.
वाहन पाहणीसाठी ठिकाणे:
- प्रादेशिक परिवहन कार्यालय, नाशिक
- बस डेपो, सिन्नर
- एसटी वर्कशॉप, पेठ रोड, नाशिक
याठिकाणी इच्छुक खरेदीदारांना जप्त वाहने पूर्वदर्शनासाठी उपलब्ध करून देण्यात आली आहेत.
ई-लिलावाची महत्वाची माहिती:
- लिलावाची तारीख: 25 जून 2024
- वेळ: सकाळी 10 वाजता
- नोंदणी कालावधी: 16 जून ते 20 जून, दररोज सकाळी 10 ते सायंकाळी 6
- नोंदणी संकेतस्थळ: www.eauction.gov.in
- अनामत रक्कम: ₹25,000/- (प्रत्येक लॉटसाठी डिमांड ड्राफ्टच्या स्वरूपात)
- नोंदणी प्रक्रिया: RTO कार्यालयात प्रत्यक्ष हजर राहून पूर्तता आवश्यक
कायदेशीर बाबी व अटी:
- जप्त वाहने मोटार वाहन कायदा व कर न भरल्यामुळे ताब्यात घेतलेली आहेत.
- संबंधित वाहनधारकांना वेळोवेळी नोटीस बजावण्यात आलेली होती.
- लिलावाच्या पूर्वी पर्यावरण कर व वाहन कर भरण्याची अंतिम संधी वाहनमालकांना देण्यात आली आहे.
- लिलावाच्या अटी व नियम RTO Nashik कार्यालय व www.eauction.gov.in वर उपलब्ध आहेत.
