राष्ट्रवादी शरद पवार गटाची २२ उमेदवारांची दुसरी यादी जाहीर, महाविकास आघाडीची उमेदवार संख्या २२० वर

राष्ट्रवादी शरद पवार गटाची उमेदवारी यादी जाहीर

दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.

महाराष्ट्रात आगामी विधानसभा निवडणुकीसाठी राष्ट्रवादी शरद पवार गटाने २२ उमेदवारांची दुसरी यादी आज जाहीर केली. यापूर्वी, पहिल्या यादीत ४५ उमेदवारांची निवड करण्यात आली होती. त्यामुळे, आता शरद पवार गटाच्या एकूण ६७ उमेदवारांची घोषणा झाली आहे.

नाशिक जिल्ह्यातील उमेदवारांची नावे खालीलप्रमाणे आहेत:

सिन्नर: उदय सांगळे
नाशिक पूर्व: गणेश गिते
येवला: माणिकराव शिंदे
दिंडोरी: सुनीता चारोस्कर
बागलाण: दीपिका चव्हाण

ठाकरे गट व काँग्रेसची दुसरी यादी

शिवसेना ठाकरे गटानेही आज दुसरी यादी जाहीर केली. पहिल्या यादीत ६५ उमेदवारांची निवड झाली होती, त्यानंतर दुसऱ्या यादीत १५ उमेदवारांचा समावेश करण्यात आला आहे. त्यामुळे आतापर्यंत ठाकरे गटाचे ८२ उमेदवार जाहीर झाले आहेत.

काँग्रेसने देखील आपली दुसरी यादी जाहीर केली असून, पहिल्या यादीत ४८ उमेदवारांची निवड करण्यात आली होती. दुसऱ्या यादीत २३ उमेदवारांची नावे जाहीर झाली आहेत, त्यामुळे काँग्रेसच्या एकूण ७१ उमेदवारांची यादी तयार झाली आहे.

महाविकास आघाडीची एकूण यादी

महाविकास आघाडीच्या तर्फे आतापर्यंत २२० उमेदवारांची यादी जाहीर करण्यात आलेली आहे, ज्यात:

शिवसेना ठाकरे गट: ८२ उमेदवार
काँग्रेस: ७१ उमेदवार
राष्ट्रवादी शरद पवार गट: ६७ उमेदवार

आता ६८ उमेदवारांची घोषणा बाकी आहे, यामध्ये १८ जागा मित्रपक्षाला देण्यात येणार आहेत. महाविकास आघाडीने ९०-९०-९० असा फॉर्म्युला निश्चित केला आहे, ज्यात काही जागांची अदलाबदल केली जाणार आहे. ठाकरे गटाने जाहीर केलेल्या ६५ जागांपैकी १२ जागांवर शरद पवार गट, काँग्रेस आणि शेकापने दावा केला आहे.

दुसऱ्या यादीतील महत्त्वाचे उमेदवार

दुसऱ्या यादीत खालील उमेदवारांची निवड करण्यात आली आहे: