Nashik – Onion Market Scam (सिन्नर, नाशिक) – केंद्र सरकारच्या किंमत स्थिरीकरण योजना (Price Stabilization Scheme) अंतर्गत नाशिक जिल्ह्यात सुरू असलेल्या Nafed Onion Purchase मध्ये मोठा गैरव्यवहार उघडकीस आला आहे. जिल्हा उपनिबंधकांनी अचानक केलेल्या तपासणीत, खरेदी केलेल्या कांद्याच्या वजनात आणि प्रत्यक्षात गोदामात असलेल्या कांद्याच्या वजनात मोठी तफावत असल्याचे निष्पन्न झाले आहे.
कांदा खरेदी घोटाळा: नाफेडकडून अनियमितता
सिन्नर तालुक्यातील श्री व्यंकटेश FPC, मानोरी आणि गणेश ज्योती FPC, सुरेगाव या दोन केंद्रांवर २३ जुलै रोजी जिल्हा उपनिबंधक फैयाज मुलाणी यांनी अचानक तपासणी केली. या तपासणीत पुढील गंभीर बाबी समोर आल्या:
- खरेदी आणि प्रत्यक्ष साठवलेल्या कांद्याच्या वजनात ४०-५०% तफावत
- मोठ्या प्रमाणावर ४५ मिमीपेक्षा कमी आकाराचा आणि खराब दर्जाचा कांदा
- शेतकऱ्यांचे सातबारा, दस्तावेज व प्रतवारी पट्टी उपलब्ध नव्हती
- अनेक नोंदणीकृत शेतकऱ्यांच्या कांद्याची खरेदी नाकारण्यात आली, मात्र याची कागदोपत्री नोंद नाही
- खरेदी प्रक्रियेत निकृष्ट दर्जा आणि अपारदर्शकता
यामुळे नाफेडच्या कांदा खरेदी प्रक्रियेत गंभीर अनियमितता असल्याचे सिद्ध झाले आहे.
अवसायानातील सहकारी संस्थेकडून कांदा खरेदी?
या प्रकारात आणखी गंभीर बाब म्हणजे, ३१ डिसेंबर २०२४ रोजी अवसायनात गेलेल्या ‘बाळासाहेब ठाकरे अटल नाविन्यपूर्ण सहकारी संस्थेकडून’ अजूनही कांदा खरेदी सुरू असल्याचे उघडकीस आले आहे. ही संस्था प्रशासकाच्या ताब्यात असूनही, नाफेडकडून तिला कांदा खरेदी केंद्र म्हणून नियुक्त करण्यात आले, ही बाब धक्कादायक आहे.
जिल्हा उपनिबंधकांकडून ‘नाफेड’ला नोटीस (Onion Market Scam)
या प्रकारांनंतर जिल्हा उपनिबंधकांनी ‘नाफेड’ला नोटीस बजावत कडक कारवाईचे निर्देश दिले आहेत. नोटीसमध्ये स्पष्ट करण्यात आले आहे की:
- नाफेडने तत्काळ अवसायानातील संस्थेवर कार्यवाही करावी
- कांदा खरेदी आणि त्यासंदर्भातील सर्व कामकाज थांबवावे
- संबंधित माहिती जिल्हाधिकारी आणि राज्य पणन संचालकांपर्यंत पोहोचवण्यात आली आहे
नाफेड कांदा खरेदी गैरव्यवहार : शेतकऱ्यांमध्ये संताप
या सर्व घडामोडींमुळे नाशिक जिल्ह्यातील कांदा उत्पादक शेतकऱ्यांमध्ये तीव्र संताप व्यक्त केला जात आहे. शेतकरी म्हणतात की शासनाने कांदा खरेदीसाठी पारदर्शक आणि शेतकरीहिताचे धोरण राबवले पाहिजे.
