येवला (जि. नाशिक) | (Rain Shortage 2025) यंदाच्या खरीप हंगामात सुरुवातीला मृग नक्षत्रात झालेल्या दमदार पावसामुळे मका, मूग, सोयाबीन यांसारख्या पिकांच्या पेरण्या वेळेत पूर्ण झाल्या. जून महिन्यात ढगाळ वातावरणासह झालेल्या संततधारेमुळे जलस्रोत भरून वाहू लागले होते. मात्र जुलैपासून पावसाने अचानक पाठ फिरवल्याने Yeola Farmers चिंतेत आहेत.
36 दिवसांत केवळ 86 मिमी पाऊस
तालुक्यात मागील 36 दिवसांत फक्त 86 मिलिमीटर पावसाची नोंद झाली आहे. जुलै महिन्यात केवळ 84 मिमी तर ऑगस्टच्या पहिल्या आठवड्यात फक्त 5 मिमी पाऊस झाला आहे. यामुळे Kharif Cropsच्या उत्पादनावर संकटाचे सावट गडद झाले आहे.
मका पाण्याअभावी संकटात
सध्या मका पीक 3 ते 4 फूट वाढले असले तरी या वाढीच्या टप्प्यावर भरपूर पाण्याची गरज आहे. गेल्या महिन्यात फक्त हलक्या सरी झाल्याने आणि मागील काही दिवस कडाक्याचे ऊन असल्याने जमिनीतील ओल संपली आहे. पिके माना टाकू लागली असून, विशेषतः खात्रीचा भाव देणारे मका पाण्याअभावी कोमेजत आहे.
उत्तर-पूर्व भागात जलस्रोत कोरडे
तालुक्याच्या पश्चिम भागात (देशमाने, जळगाव नेऊर) नद्यांना काही प्रमाणात प्रवाह आहे. मात्र उत्तर-पूर्व भागातील अवर्षण प्रवण गावांतील नद्या-नाले व बंधारे कोरडे पडले आहेत. सिंचनासाठी वापरामुळे विहिरीतील पाणीही कमी झाले आहे. त्यामुळे शेतकऱ्यांच्या नजरा आता आकाशाकडे लागल्या आहेत.
पालखेड पाण्याचा आधार (Rain Shortage 2025)
पालखेड डाव्या कालव्याला ओव्हरफ्लोचे पाणी सोडल्याने काही लाभ क्षेत्रातील शेतकऱ्यांना दिलासा मिळत आहे. या पाण्यामुळे जमिनीतील पातळी वाढून बंधारे व नद्या-नाल्यांना पाणी मिळत आहे, ज्यामुळे सिंचन सुलभ झाले आहे.
फक्त 45% पर्जन्यमान
जून ते डिसेंबर या कालावधीत तालुक्याचे वार्षिक सरासरी पर्जन्यमान 544 मिमी आहे. मात्र आतापर्यंत फक्त 243 मिमी (45%) पाऊस पडला आहे. पिकांची वाढ झाल्यामुळे त्यांची पाण्याची भूकही वाढली आहे. त्यामुळे Heavy Rainfall 2025ची शेतकऱ्यांना आतुरतेने प्रतीक्षा आहे.
