रणवीर अलाहाबादियाच्या विधानांवर न्यायालयाचा कडाडून हल्ला
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
Ranveer Allahabadia : सुप्रसिद्ध यूट्यूबर रणवीर अलाहाबादियाने ( Ranveer Allahabadia ) इंडियाज गॉट लेटेंट शोमध्ये केलेल्या अश्लाघ्य विधानांवर सर्वोच्च न्यायालयाने ताशेरे ओढले आहेत. न्यायालयाने या विधानांना ‘विकृत मानसिकतेचे लक्षण’ असे संबोधले आहे. न्यायमूर्ती सूर्यकांत आणि न्यायमूर्ती एन. कोटिश्वर यांच्या खंडपीठाने रणवीरला सुनावणीदरम्यान कठोर शब्दांत फैलावर घेतले.
सर्वोच्च न्यायालयाने काय म्हटले?
१. “आईवडिलांना आणि बहिणींना लाज वाटेल”
न्यायमूर्ती सूर्यकांत म्हणाले,
“तुम्ही जे शब्द वापरले आहेत, ते ऐकून आईवडिलांना आणि बहिणींना लाज वाटेल. संपूर्ण समाजाला याचा धक्का बसला आहे. ही विकृत मानसिकता आहे.”
२. “प्रसिद्धीसाठी विकृती?”
न्यायालयाने पुढे म्हणाले,
“जर प्रसिद्धीसाठी अशी भाषा वापरली जात असेल, तर समाजात चुकीचे संदेश जातील. लोक असेच बोलायला लागतील आणि शेवटी जीभ कापण्याच्या धमक्या देखील दिल्या जातील.”
३. “त्याच्या डोक्यात घाण भरली आहे”
सुनावणीदरम्यान न्यायालयाने रणवीरबद्दल कठोर शब्द वापरले,
“त्याच्या डोक्यात काही घाण भरलेली आहे. त्याने अशा प्रकारची वक्तव्ये का केली? कोणत्याही समाजात ही भाषा स्वीकारली जाणार नाही.”
रणवीर अलाहाबादियाने (Ranveer Allahabadia) सर्वोच्च न्यायालयात धाव का घेतली?
रणवीर अलाहाबादियाने सर्वोच्च न्यायालयात अटकपूर्व जामिनासाठी याचिका दाखल केली होती. तसेच त्याच्यावर देशभरात दाखल गुन्हे एकत्रित करण्याची मागणी केली होती. मात्र, न्यायालयाने त्याच्या याचिकेवर तिखट प्रतिक्रिया दिली.
“कायद्याला त्याचे काम करू द्या”
न्यायालयाने स्पष्ट शब्दांत सांगितले,
“आम्ही धमक्यांचा विरोध करतो, पण कायद्याला त्याचे काम करू द्या. अश्लीलता आणि अनैतिकतेची काही मापदंड असतात. त्याचे उल्लंघन होऊ शकत नाही.”
न्यायालयाचा इशारा – अभिव्यक्ती स्वातंत्र्याला मर्यादा आहेत
सर्वोच्च न्यायालयाने ठाम भूमिका घेतली की, अभिव्यक्ती स्वातंत्र्याच्या नावावर कोणालाही सामाजिक मूल्यांच्या विरोधात काहीही बोलण्याची मोकळीक नाही.
“समाजाचे स्वतःचे काही मूल्ये असतात आणि त्याचा आदर करणे गरजेचे आहे.”
रणवीर अलाहाबादियाच्या विधानांवर देशभरात संताप
रणवीरच्या विधानांवर देशभरातून तीव्र प्रतिक्रिया उमटल्या आहेत. सोशल मीडियावर त्याच्या वक्तव्यांवर टीकेचा भडिमार सुरू आहे. अनेक ठिकाणी त्याच्याविरोधात गुन्हे दाखल करण्यात आले आहेत.
न्यायालयाचा धडा – जबाबदारीने बोलण्याची गरज
ही केस केवळ रणवीर अलाहाबादियापुरती मर्यादित नाही, तर समाजातील प्रत्येकाला जबाबदारीने वक्तव्य करण्याचा धडा देणारी आहे. न्यायालयाचा हा कडक इशारा भविष्यातील वादग्रस्त विधानांवर नियंत्रण आणण्यास मदत करेल.
