Rashmika Mandanna : ‘छावा’ बॉक्स ऑफिसवर गाजतोय, प्रेक्षकांचा उत्स्फूर्त प्रतिसाद
Rashmika Mandanna : छत्रपती संभाजी महाराजांच्या जीवनावर आधारित ‘छावा’ (Chhaava Movie) या चित्रपटाने बॉक्स ऑफिसवर धुमाकूळ घातला आहे. फक्त दोनच दिवसांत चित्रपटाने आपल्या भांडवलाच्या 55% रक्कम कमावली असून, विक्की कौशलने छत्रपती संभाजी महाराज आणि रश्मिका मंदानाने महाराणी येसूबाई यांची भूमिका साकारली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
चित्रपटाच्या यशानंतर अभिनेत्री रश्मिका मंदाना(Rashmika Mandanna) हिने सोशल मीडियावर एक खास पोस्ट शेअर केली आहे, ज्यामध्ये तिने आपले अनुभव आणि दिग्दर्शक लक्ष्मण उतेकर यांचे आभार मानले आहेत.
रश्मिका मंदानाची पोस्ट – “महाराणी येसूबाईची भूमिका साकारणं स्वप्नासारखं!”
दाक्षिणात्य सुपरस्टार रश्मिका मंदानाने (Rashmika Mandanna)आपल्या पोस्टमध्ये तिच्या ‘छावा’च्या प्रवासाविषयी लिहिताना म्हटलं आहे –
“मी वक्त्यापेक्षा चांगलं लिहू शकते, म्हणून हे… मी ‘मिमी’ पाहिला होता आणि मला तो चित्रपट खूप आवडला. म्हणूनच मी लक्ष्मण सरांना माझ्या ‘गुडबाय’ चित्रपटाच्या स्क्रिनिंगसाठी आमंत्रित केलं होतं. त्याच वेळी त्यांनी मला फोन करून ‘छावा’बद्दल बोलण्यास सांगितलं आणि तेव्हा माझ्या प्रवासाची सुरुवात झाली.”
तिने पुढे लिहिले की,
“मला सुरुवातीला कथा माहीत नव्हती. त्यांनी मला महाराणी येसूबाईच्या भूमिकेसाठी का निवडलं, हे देखील मला कळलं नव्हतं. पण जेव्हा मी स्क्रिप्ट ऐकली, तेव्हा मी भारावून गेले आणि आनंदाने गोंधळून गेले.”
“माझ्या मनातही नव्हतं की मी महाराणी येसूबाईची भूमिका करेन”
रश्मिकाने पुढे तिच्या भूमिकेबाबत सांगितलं की,
“एक दक्षिण भारतीय अभिनेत्री म्हणून, मला कधीच वाटलं नव्हतं की मी महाराणी येसूबाईसारखी ऐतिहासिक भूमिका साकारू शकते. पण मला अशा लोकांसोबत काम करायला आवडतं जे आपल्याला सीमांच्या पलीकडे स्वप्न पाहण्याची प्रेरणा देतात.”
तिच्या म्हणण्यानुसार, महाराणी येसूबाई एक शक्तिशाली, सुंदर आणि सच्ची राणी होती.
“महाराज आणि महाराणींचं प्रेम हे शब्दांच्या पलीकडे होतं, ते इतकं पवित्र आणि दैवी होतं की त्याला वेगळ्या पातळीवर अनुभवता येतं,” असं तिने आपल्या पोस्टमध्ये म्हटलं आहे.
‘छावा’ चित्रपटाला प्रेक्षकांचा जबरदस्त प्रतिसाद
‘छावा’ला प्रेक्षकांकडून उत्स्फूर्त प्रतिसाद मिळत असून, विक्की कौशल आणि रश्मिका मंदानाच्या अभिनयाचं विशेष कौतुक केलं जात आहे. दिग्दर्शक लक्ष्मण उतेकर यांनी चित्रपटातील ऐतिहासिक पार्श्वभूमी अत्यंत प्रभावी पद्धतीने सादर केली आहे.
चित्रपटाच्या बॉक्स ऑफिस कामगिरीकडे पाहता, तो लवकरच 100 कोटींचा टप्पा पार करू शकतो, अशी अपेक्षा व्यक्त केली जात आहे.
रश्मिका मंदानाने आपल्या भूमिकेच्या प्रवासाविषयी आणि चित्रपटाविषयी व्यक्त केलेल्या भावना चाहत्यांना भारावून टाकणाऱ्या आहेत. छत्रपती संभाजी महाराज आणि महाराणी येसूबाईंच्या जीवनावर आधारित ‘छावा’ हा चित्रपट ऐतिहासिक कथानकामुळे आणि दमदार अभिनयामुळे प्रेक्षकांच्या हृदयात स्थान निर्माण करत आहे.
