नाशिक, त्र्यंबकेश्वर | येत्या दोन वर्षांत होणाऱ्या सिंहस्थ कुंभमेळ्यासाठी Kumbhmela नाशिकमध्ये भव्य तयारी सुरू आहे. यंदा भांडवली स्वरूपाच्या कामांना अधिक प्राधान्य देत पायाभूत सुविधांची उभारणी करण्यात येत आहे. साधुग्रामच्या जागेचा प्रश्नही प्राधान्याने सोडवण्यात येणार असल्याची खात्री विभागीय आयुक्त प्रवीण गेडाम यांनी दिली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
330 एकरात साधुग्राम उभारणीचा आराखडा
तपोवन येथील 330 एकर क्षेत्र साधुग्रामसाठी निश्चित करण्यात आले असून, त्या जागेच्या नियोजनावर जोर दिला जात आहे. साधू-संत आणि भाविकांसाठी हा प्रकल्प उच्च दर्जाचा असणार असून, त्यासाठी भूसंपादन, रस्ते, ड्रेनेज आणि इतर पायाभूत कामे प्राधान्याने केली जात आहेत.
Kumbhmela गोदावरी शुद्धीकरणाला गती
गोदावरी नदी प्रदूषण रोखण्यासाठी ड्रेनेज लाईनची क्षमता वाढवून, प्रक्रिया केलेले मलजल नदीपात्रात सोडण्यासाठी सविस्तर आराखडा तयार केला जात आहे. नदीच्या स्वच्छतेसाठी हा महत्त्वाचा टप्पा मानला जातो.
Kumbhmela रामकालपथ प्रकल्पाला मंजुरी
भाविकांसाठी रामकालपथ प्रकल्प राबवण्यासाठी केंद्र शासनाने निधी मंजूर केला असून, त्याची लवकरच अंमलबजावणी होणार आहे. या प्रकल्पासाठी महापालिकेने तज्ज्ञ सल्लागार नियुक्त केले आहेत.
दर्जेदार कामांवर भर
गेल्या कुंभमेळ्यात रस्त्याच्या दर्जाची विशेष काळजी घेतलेल्या गेडाम यांनी यंदाही गुणवत्तेबाबत तडजोड न होण्याची तंबी दिली आहे. “ज्यांना दर्जा राखता येत नाही, त्यांनी इतर क्षेत्रांमध्ये काम पाहावे,” असा स्पष्ट इशारा त्यांनी दिला आहे.
स्थायी पदांची भरती
कुंभमेळ्यासाठी अभियंता, डॉक्टर्स, आणि इतर तांत्रिक पदांची स्थायी स्वरूपात भरती केली जाणार आहे. विभागीय यंत्रणा आणि महापालिका यासाठी समन्वयाने काम करत आहेत.
सिंहस्थ कुंभमेळ्याच्या ऐतिहासिक आयोजनासाठी नाशिक सज्ज होत आहे. कुंभमेळा हा केवळ धार्मिक महोत्सव नसून, सामाजिक आणि आर्थिक परिवर्तनाचा महत्त्वाचा टप्पा ठरणार आहे.
- प्रवीण गेडाम, विभागीय आयुक्त, नाशिक
