Union Budget 2025 : केंद्रीय अर्थमंत्री निर्मला सीतारमण यांनी आज २०२५-२६ या आर्थिक वर्षाचा अर्थसंकल्प सादर केला, ज्यामध्ये मध्यमवर्गीयांसाठी प्राप्तिकरात मोठ्या सवलती जाहीर केल्या आहेत. प्राप्तिकराच्या नवीन स्लॅबनुसार, १२.८ लाख रुपयांपर्यंतचे वार्षिक उत्पन्न करमुक्त Income tax करण्यात आले आहे, ज्यामुळे मध्यमवर्गीयांच्या खर्च करण्याच्या क्षमतेत वाढ होईल.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
Union Budget 2025 : प्राप्तिकराच्या नवीन स्लॅब खालीलप्रमाणे आहेत:
- ० ते ४ लाख रुपये उत्पन्न: कर नाही
- ४ ते ८ लाख रुपये उत्पन्न: ५% कर
- ८ ते १२ लाख रुपये उत्पन्न: १०% कर
- १२ ते १६ लाख रुपये उत्पन्न: १५% कर
- १६ ते २० लाख रुपये उत्पन्न: २०% कर
- २० लाखांपेक्षा जास्त उत्पन्न: ३०% कर
या निर्णयामुळे सरकारच्या तिजोरीवर १ लाख कोटी रुपयांचा भार पडणार असला तरी, अर्थमंत्र्यांनी हा भार सहन करून मध्यमवर्गाला दिलासा दिला आहे.
Union Budget 2025 अर्थमंत्र्यांनी असेही नमूद केले की, २०२० मध्ये नवीन कर प्रणाली लागू केल्यानंतर सुरुवातीला लोक ती स्वीकारण्यास संकोच करत होते. मात्र, आता ६५% पेक्षा जास्त करदात्यांनी नवीन कर प्रणाली स्वीकारली आहे, ज्यामुळे सरकारने या प्रणालीत आणखी सुधारणा केल्या आहेत.
या अर्थसंकल्पात कृषी, उत्पादन, आणि वित्तीय सेवा क्षेत्रांसाठीही विविध योजना जाहीर करण्यात आल्या आहेत. उदा., विमा क्षेत्रातील परकीय थेट गुंतवणुकीची मर्यादा १००% पर्यंत वाढविण्यात आली आहे.
कर सल्लागार संजीव गोखले यांच्या मते, १२ लाख रुपयांपर्यंतचे उत्पन्न करमुक्त केल्याने सामान्य पगारदारांना मोठा दिलासा मिळेल आणि हा निर्णय त्यांच्या आर्थिक स्थितीसाठी लाभदायक ठरेल.
